晨操

出席完記者會，拿著等同我3個人頭的馬仔汽球，那是小禮物

哭笑不得

踱步至碼頭，輾轉乘巴士回公司

一身自覺elegant的衣著因為汽球，變成歡樂小姐

沿路惹來大人小孩的豔羨目光

指著汽球高呼～～好大隻馬；好得意；嘩，邊度買架

途中我不下十次興起的念頭是：不如扮失手讓汽球飛上天

但我怕它太搶眼，會阻擋了機師的視線發生意外

又怕它不能自行分解，汽球終成為污染物

拿著它回到公司，叔叔問：去邊處買咁大個波呀

我說是人家送的

心想我好像剛晨操完回來，手裡的馬，馬名是「金利來」

旅遊大使

等小輪時遇上公幹外國人，祖藉意大利，近年紮根上海，剛到香港出席會議，翌日要回上海

用我的爛英語跟他聊天

他說．．．

很想到香港的沙灘和島看看，聽說他們很美，問我Discovery Bay離灣仔遠不遠

我是路痴，只可以搖頭說不知道，但我教他去Latau Island，腦閉塞說那裡的名勝是Big Buddha(谷神說應該是Tin Tan Buddha，怪不得人家一臉茫然)

他說很喜歡香港這地方，人人都像有目標地走路（我以為我們只是衝衝衝地走罷了）

船在維港行駛，他又說這裡的水很漂亮，問我是否常有人在這裡游泳

我說那是因為污染，垃圾浮面，在維港游泳要回家洗澡三次

他看不到廢物，只覺水很綠，我們坐在船上很逍遙，步伐急速的港人也有這樣悠閒的交通工具，很有趣

我跟他上歷史課，以前的維港不是這樣，從尖沙咀乘船到灣仔要很久，不像現在一轉眼便過，兩地愈來愈近了，遲點可能走路也可到

然後他指著對岸的大廈說香港的建築七彩顏色高高矮矮放在一起很有趣，這景緻很吸引，下次來港要踏單車到處去

我以為高樓大廈很討厭，一直只想往鄉間轉，告訴他在香港踏單車很危險，然後建議他坐叮叮

Nice to meet you過後我又帶著金馬走

有些事我們見慣了不覺特別，原來換個角度看，其實很新鮮

意氣

年少氣盛我會與人爭吵（當然現在也會，縱然我已不再年少，但更多時候是大口把氣憤吐出就算，一言以敝之是懶，省一頓吵架，我可以多點時間處理事情，而且無聊人等也不值我動干戈）

爭吵，卻從未試過打架，因為我怕痛

是的，被打或打人也沒有試過，那些電影上演女子打架的扯頭髮指甲功我全都不懂。我想像力過分豐富，老是想到扯頭髮會扯甩頭皮血淋淋好核突，指甲會藏著別人的皮膚或肉的碎屑，很骯髒

所以，我不明白為甚麼要打架

談不攏我會揮一揮衣袖就走

所以，我不懂

正如我不懂怎麼有人指天督地信誓旦旦過後，轉頭又忘了當初承諾

守信，合該是成年人的最基本要遵守的東西

(縱然我明白更多人結婚答允一生只愛一人過目便改了心意)

但是，守的分明是不下一人託諸於你身上的信任

怎麼仍可棄之如敝屣，不當一回事

爸爸說錯一次情有可原，同一個問題再錯是蠢，錯第三次是抵死

媽媽說第一次心痛，第二次心傷，第三次會心死

我被問感想

只想起這兩句話，廿多年我聽過多次

雖然

錯，大大小小的，我還是不斷犯，

但幸而都是不需要人家替我撐腰，也不是罪無可恕不得翻身的錯

要說要教誨的

這段時間，聽過的已不少

我只想說，年少氣盛的結果，往往只是逞一時之勇，然後三十年後想起

原來那時的勇，叫愚勇

我們大多數人再回望，想起這些勇事，會當笑話說給自己的兒女聽，帶點自嘲與回味的笑

另一部分的人，那笑該是藏著無限悔恨

那刻的你，會否想跟多年前勇字行頭，蠢字刻在心的自己說：喂，你真的好蠢，不為錢、不為女、不為報仇或甚麼而打的架，很無聊！

戴住con幫忙朋友既婚禮

隱形眼鏡不過緊貼左眼4小時, 同場一眾醫生已經同我講: 嘩!你隻眼好紅

除低左眼既con, 用僅餘既右眼視力撐足全日(我隻右眼依然戴住con!)

我隻眼愈夜愈美麗

所有人見到既第一句唔係你好嘛, 或好耐無見

而係你隻眼好紅

於是我影相剩係企右邊, 同埋3,7分面, 7分係右面

一隻紅到好似滴血既右眼, 加一隻正常到爆既左眼

我為尋晚俾我隻眼嚇親既在場人士置歉

因為某中同同我講: 我左眼見到鬼

下聯會唔會係"我左眼就係鬼"!

因為太忙碌的綠故

我竟然唔識得去眼科醫生o個枱碌一轉, 唻個免費問診

帶住隻紅寶石左眼返屋企, 沿路緊記新郎黃醫生話我係輕微敏感, 翌日會好番既診症

今朝起身隻眼紅色稍減, 變成粉紅晶, 但依然係實色o個種, 我相信我既愛情會好好

呢一刻我先記起黃醫生負責急症室, 而唔係專醫眼!

首次用醫療卡, 為左慳百五蚊

我重返o個間數年前立誓唔再踏足既診所, 等左個半鐘, 醫生姍姍來遲, 用20秒KO一個病人既速度, 好快到我入房

10秒唔使, 醫生話我搞唔掂你隻眼, 我轉介你去睇專科

fine, 繼今朝突然醒起黃醫生既專長後, 我又一次勾返回憶, 點解我會black list呢間診所~~

因為無醫德!

返屋企揭簿仔, 搵唔到護士寫俾我既眼科醫生名, 打落診所問

護士話: 書係死架, 你聽日再打去試下, 唔啱我地先幫你搵第2個, 你唔急架嘛!

但係o個隻係我隻眼, 眼白紅晒瞳孔又有白點又會痛仲流眼水, 你個醫生用10秒診斷出搞唔掂既眼喎

咁即係唔急??!!

~~~~

社長

多謝呀, 有心唔怕遲^^

我既生日願望係將眼白還原返白色!!!

某某既blog有得意遊戲: 用1分鐘時間寫出近日開心事

計時~~

1. 食buffet, 狂食tiramisu, crepes同雪糕

2. 大家支持請勿餵食計劃, 個個搣左lunch時間出唻陪我食飯, 寵我寵到癲

3. 上網買左幾件衫, 未收到貨但超期待

4. 收到大大份禮物, 未諗到點處置, 但日日齋幻想已經好興奮

5. 另一未出發先興奮既計劃如火如荼進行中

6. 每日訓足八個鐘, 早睡早起自覺身體良好

7. 買左對天使翼扮折翼天使影相, 縱然我覺得自己似甩毛天使

8. 重拾中學時挑戰唔成功既<pride & prejudice>, 開始明白當年睇唔明既野, 驚覺自己既英文都算有進步

9. 歷經第一堂被老師嫌棄, 終於可以極速答到問題

10. 免費<high school musical>同<爆粗band友>, 好嘈好嘈但注入正能量

其實仲有11, 12, 13, 14

但1分鐘時間只可以打到咁少

60秒入面諗到發生咁多開心野, 其實我每日都過得唔錯

咁你又點?

有幸看別人怎樣處理事情

打從心底有種: "嘩, 我覺得自己好頹"既自慚感覺

聞說正常人係應該咁做野既

即係我一直都唔正常?

仲要唔正常左咁耐都無求醫甚至無食藥

呢一o下晴天霹靂維持左幾日!

----

曾經以為自己睇戲唔會訓覺

我連悶爆<孿鳳和鳴>都捱到喎

竟然敗o係<畸材家族>手上

訓下醒下訓下醒下, 發現德福戲院裝修完後, 真係幾好訓

如果冷氣可以細返d會更加好

----

同家姐睇戲, 問佢幾耐無入戲院

答案係3個月

我話: 我o係呢4日內入戲院睇左3齣戲

唔知既, 會唔會以為我做戲院帶位?!

-----

滙豐跌到$75

好想入手

但有人盛傳會跌到六十幾喎

如果突然反彈返80, 而我又買唔切, 咁點算呢?

-----

兔仔o係養父母屋企生活愉快

例行家訪結束前

養父話兔仔近日會o係佢地食晚飯時跳上椅度等食

查實, 兔仔係咪成功突變成一隻狗?!

-----

<甜言蜜雨>個戲名究竟想點

繼<巴姐>之後, 另一我覺得好累事既戲名

同個故仔無乜關係, 唔好求其將英文名直譯好bor

想睇浪漫既生死定義同金城武

必睇!!!

但要忍受前段偏慢既節奏

因為我又爭d訓著左!

<星期日檔案>, 細個一睇到就即刻轉台既節目

近年愈唻愈鐘意睇, 情況同我開始鐘意望住<Discovery Channel>入面d動物跑唻跑去, 以及<瞬間看地球>一樣

或者, 遲d我會愛上<魚樂無窮>

今集講黏多醣症

香港既患者唔多, 估計大約三十個左右

知唔知咩係黏多醣症?

簡單d講就係人體缺少左一種酵素, bb仔既時候睇唔出有咩問題, 但慢慢會影響佢既成長: 脊椎變形, 視力同聽力受影響, 唔可以照顧自己起居, 行動不便, 等等

無辦法根治既病, 只可以靠藥吊住條命

代價係一年俾80至100萬(又有報道話400萬, 究竟幾多錢呢?)

又有無印象無幾耐之前有關於黏多醣症既遊行? 請求政府提供醫療資助?!

無意上生物課或另一節既星期日/一檔案

尋日睇到既係16歲患病小朋友, 要用放大鏡溫書, 連個波都未拎得好穩, 但依然名列前茅

有人問佢點解咁辛苦仲要讀書

佢答: 因為讀書可以吸收知識, 令我開心

記者問另一個患者對未來有咩諗法

佢話: 只係想珍惜而家, 將來只可以交俾命運

某某問我覺得人死左之後會變咩

我話應該咩都無, 可能係一堆灰, 因為我想火葬, 夠慳位

某某再問: 咁最後咩都無既話, 做人唻做咩? 咁辛苦

從來唔覺得自己辛苦, 特別係同真正辛苦既人相比

當可能只得廿年命既人都覺得每日過得開心同滿足, 無問過點解要辛苦呢廿年時, 其實我同你都無咩資格去呻自己好慘

o個一刻唔識答呢位某某

諗左成日, 婆婆終於整理好混亂既思緒

雖然做人到最後只係得堆灰, 睇個勢我都無可能名留青史, 亦都唔似遺臭萬年, 供後人傳頌/咒罵, 但做人既野, 咪就係開開心心過每日, 同埋令身邊既人開心

還原基本步既簡單答案, 係<星期日檔案>教既

近日正能量來源~~

1/ 睇<愛住巴黎>, 灰色調既<天使愛美麗>, 但係人間有情

2/ 每日搭地鐵必煲<料理新人王>, 唔特別鐘意松本潤, 不過睇佢熱血沸騰挑戰唔同問題, 好似運動員特訓, 落車既時候每每覺得人生滿希望, 前路由我創

3/ 朋友外賣親身送到加料熱朱古力, 暖肚暖心, 唔敢成日飲, 但飲親都覺得不枉此行

4/ Mon Cherie, 仲可以連cher 3粒, 將"請勿餵食"既標語拋諸腦後!

5/ 晨咁早起身坐o係窗邊打電腦時聞到既秋天味

6/ 付出120%既心血勞力同腦汁, 換唻50%既讚美同30%既留神

7/ pasta de xxx/karawa(好明顯串錯字兼唔記得), 超好食煙肉菠菜意大利粉, tiramisu聖代係召喚我再次惠顧既魔咒

========

睇朋友既blog

拋低香港既工作拎working visa去外國做左一年野, 順道見識世界

返唻香港唔夠3個月, 又決定去外國繼續進修...

又, 另一朋友因為頂唔順上司無禮貌又唯我獨專

於是二話不說丟低高薪厚職, 換返之前被攫奪既尊嚴

雖然大家唔再十八廿二

但依然揮一揮衣袖不帶走一片雲彩既灑脫, 我諗我短期內都學唔識, 但係深得我心

完全初生之犢唔理前路茫茫, 未睇到下步點行, 但為左一d旁人可能覺得唔"等使"既野, 斷自己後路, 蒙住眼向前衝

我覺得好型

膚淺如我, 好多野都覺得型

特別係呢種形而上既態度

終於下左決定

朋友奉勸: 扑左槌就無退路架喎

係呀, 未諗自己究竟做唔做到之前就斷自己後路, 咁樣先可以迫小宇宙出唻, 好土法鍊鋼

與其諗一大堆野

有超完善計劃, 但雙腳生根停o係度

計劃只會o係腦入面無限次預演, 但係無得正式公演

我寧願試完發現自己個如意算盤原來打唔響

或者用幼稚園程度砌左架飛唔起既穿梭機

總好過, 從來無見到架機成形同離開地面既一刻

人到咁上下時候

就需要有個新衝擊, 或者轉變

化妝師L幫我紮頭髮，驚叫：

喂，你有白頭髮喎！

我既皮膚開始不容我任性摧殘

偷懶唔搽lotion唔用eye cream

翌日即刻乾俾你睇＜－－似足木乃伊或乾屍，可以去展覽

按摩師傅哀嘆：

小姐你係咪好多野諗，點解個頭咁硬，男人或老人家先會咁＜－－我問佢係咪可以練鐵頭功

對住吸煙飲酒四圍浦夜訓既同事，苦口婆心老婆婆上身：

阿仔呀，後生細仔唔好咁la，好傷身架，飲多啖湯好過＜－－我真係咁樣講，成個媽媽咁．．．

九月回顧，我日日早睡早起但係身體唔見得特別好

早睡：睇緊＜與敵同行＞即係未夠10點我已經超眼訓，試過多日o係梳化訓著左，平均睡眠時間係11點，婆婆係要早d訓

早起：8點或未夠8點準時彈起，嘈寶寶每日都o係msn同婆婆打招呼講早晨

vieux既趨勢係我今朝七點未夠就醒左

到而家，我諗緊係咪應該落樓下晨運

又或者溫o下書

公司仝人追看<家好月圓>，我從一開始因為陳豪而看了數集，到後來覺得他們太吵吵鬧鬧會影響心情而不再追看，到大結局時賴在祖母家看至10點半

成為三姑一員的感想是

無線的編劇會否太為製造高潮而妄顧常理？

究竟香港有哪位律師斗膽在人家作答時，高叫stop stop stop和問一堆無聊假設問題，又沒有人制止他？法官坐著幹甚麼？台下證人當事人與律師愈扯愈遠，剖白心路歷程，法官大人依然不聞不問？

覺得無理但依然看，怪不得無線的收視依然高企

小時候最愛跟姐趴在窗前偷看對面樓的人看甚麼電影節目，找找看有誰和我們看同一個節目

昨晚，我倆又幹同一件事

結論是對面大廈，粗略估計百多二百戶全看＜家好月圓＞，只有一戶看Now，即是說，我們一起為甘家唱＜月亮代表我的心＞（應該是吧）而起雞皮

＜家好月圓＞播完

我們的對話不再是：昨晚有沒有看Sa姨"fit"阿嘉美？荷媽鬧爆紅姨好大快人心？于素秋哭了多少次？

應該有不少人覺得悵然若失

近日心煩

不斷想著如果當日xxx就不會如此，我應該yyy的

家人沒有怪責半句

但我卻終於明白，執法人員不一定是好人

欺負小市民不懂法律

然後手段高明其實是卑鄙地玩法律

我納稅原來是如此地受保障

謝謝!

誰說他們都在保障市民的生命財產？

這句話絕對值得商榷

記起電影最常出現的金句：喂，差人唔係大晒架

我想問專業人士這樣是否符合正常的法律程序

不然的話是否可到警察投訴科備案？

但瑪莉到過警察投訴科也只是被敷衍

一直到找傳媒搞大件事才有人理會

警察警察

明明小時候教導的不是這麼一回事

我果真是太純了

純得事發後24小時，我的大腦才重新運作

想返回當下，問一句：差人唔係大晒，你憑甚麼呢？！

鐘意睇喪屍片

咬甩頭扯甩手成身血仲o係個地下典下典下, 感覺好正

可惜正既喪屍片唔多

<生化危機>拍得太多驚喜欠奉, 變左做觀眾既危機

反而港產片<生化壽屍>一班人被困商場遇上爛面喪屍

雖然無乜特技唔係打到飛起

但會睇到心仔卜卜跳...因為太貼近自己!

近日好想睇<REC>

皇上評語係"驚"

雖然坊間已有人穿橋爆晒最驚O個幕係咩

但依然會睇!!

今朝起身食住蘋果飲住咖啡睇爆腦漿

泥膠公仔既短片, 主題係喪屍

血漿平賣勁過<xxxx無頭谷>

一齣睇到心仔狂跳既卡通, 大腦即刻醒晒

chainsaw maid

遠在1936年，中國還在內憂外患之際，香港仍屬英國殖民地之時。居於銅鑼灣大坑老圍小漁村的八名業餘足球隊成員，與中國球員組成十一人的球隊，參加當年德國柏林奧運會，讓中國人以團隊身份，第一次踏上了奧運會的賽場。 from<頂頭鎚> 

一齣我完全唔記得點解會話睇既話劇

事後回想, 應該都係因為一年要睇一次香港話劇團既自定不成名規定

但係...點解會係佢既呢

其實我對足球無咩興趣

朋友仲記得我當初話想睇, 係因為poster上面個頭鎚<--呢個係咩理由? 但又竟然有人接受仲走左去買飛

講返齣劇

<頂頭鎚>其實食正奧運熱

好耐無睇過歌舞劇

今次作曲同填詞都好正

口語化歌詞好好笑, 場刊仲有妙趣廣東話讀音加註解

將足球變成舞步, 故仔有奧運有男人既友誼有家國情仇再加兒女私情

大雜會但一d都唔亂

3個鐘入面每個演員起碼有一句金句, 但唔係<家好月圓>既爛gag當金句或者夾硬講

演員唱歌唔錯, 當然比好多歌手好一大截

百六蚊好超值

話時話, 你知唔知香港曾經有球員代表中國隊參加奧運?!

佢地因為無經費, 於是巡迴東南亞表演賽籌錢

結局係對英國時以0比2輸左

但係上半場一直keep住0比0, 無比英國入過一球

其實我都唔知

係場刊話我聽

工作完了, 撐住僵硬既腰搭地鐵

人頭湧湧放工時間遇上甩繩monkey (又名泰山)

小朋友將地鐵扶手當古木大樹奮勇向上爬

本人既手係衝刺鐘, 爬到最高位再拍下我隻手, 閣下可得10分

於是不知名小朋友狂跳狂嘗試拍我隻手

7, 8歲人仔斷估唔會跳到上枝橫柱度

後期我索性緊握呢條扶手

人仔對鞋似乎裝左彈弓, 寸金尺土地鐵車廂內上下狂跳

身旁媽媽問: 你做乜野呀?

問完之後, 人仔無答, 佢繼續放任阿女彈彈彈

好想問佢: 太太, 你個女俾人落左痕粉呀?!

突然我俾胸襲(正確唻講係胃襲)

人仔跳夠玩夠, 伸出一揚指督我既鏈墜

媽媽冷靜咁話: oh, 你唔可以咁架

人仔: 我唔知係咩唻, 想睇o下丫嘛

媽媽: 咁你問姐姐咩唻丫

媽媽人仔四隻眼一齊望住我

太太同彈彈小朋友, 你唔係覺得我俾人非禮完仲會答你呀?! 定係你想我同你講: 你頭先掂到我既胃呀, 嗱, 再上多少少, 就係胸勒~~

我應該慶幸條頸鏈夠長, 鏈墜垂o係我個胃, 而唔係胸. 定係感恩條鏈不偏不倚o係正我身體既中間, 小朋友又眼界好, 無督錯其他地方呢

可愛太太見我無反應, 仲要俾一種: "哼~你真係無禮貌"既眼神我

身教同言教既重要, 本人深深體會到

果然係一家人!!

朝早十點幾十一點搭車去到新世紀

小巴叔叔叫各乘客落車, 事關旺角內街全面癱瘓

落車行到Esprit, 彌敦道封左唔俾人過馬路

塞滿人既Esprit門口, 人人拎部手機出唻影相

原因係某幢大廈好大煙, 起碼十架消防車停左o係度

兩個幾鐘頭後踏出加洲中心

煙未散

彌敦道無車, 但係企滿人

奇景出現: 無數途人企o係馬路中心E大個嘴做個V字手勢, 指住身後火警現場影相

先生, 小姐, 你唔係呀?

火燭...有人被困...你竟然做V字手勢, 仲一臉得戚樣

到底你諗緊d咩?

香港人同人性都係有趣兼奇怪既課題

邊個話孺子落於井, 就心有戚戚然架?!

先師大可以番生行去彌敦道睇睇, 你有咁既諗法可能只係當年既人未有相機, 影唔切相jar

令人心寒既係你用唔到腦"旬"未生埋幫呢班途人開脫

因為十幾至幾十歲既人都做緊同一件事

簡直離譜!!

<Hell Boy 2>

公司竟然沒有人知道此戲

我覺得太過分

今晚要去看電影, 我跟同事形容: 那隻紅色怪物有兩隻斷角是撒旦之子, 有班朋友, 一條是魚人, 一個是噴火女, 他們在甚麼異能研究所打怪的那齣呢

依然無人聽過

心灰意冷得我以為看過的第1集也是我的幻想, 連戲趣與我相同的大師也未聽過, 還好他聽過我的生鬼(?)描述說一定要看看

第二集比第一集多了很多很多笑位, 怪獸多了又醜樣了, 我看得好興奮(!), 但我竟然想起消失的密室加活米村

而且為何魚人的身體多了藍色紋, 還是上集我忘了?

我既同學仔全部都係臥虎藏龍, 有人上京幫手搞奧運, 有人係financial planner, 傾既生意有n個0, 有人開左鋪, 有人閒時最愛到xxx或yyy吃飯(全都是高級食府)

而我應該係天鵝堆裡既鴨仔

首次飯聚, 由同學仔甲乙主理, 兩位先生一展廚藝, 煮法~~國~~菜~~

仲要回應我們的無理要求

例如~~我要食鵝肝, 芝士, 血鴨, 好多好多appetizer, 仲要有起碼3個dessert

結果人人滿足永不落空 (除左無血鴨食)

而大量既兩位仲容許我地入廚房重地搞搞震, 扮幫手打蛋白

同學仔話食法國菜既時候, 碟上面所有野都食得, 所以貌似道具既提子, 其實係真提子, 而我地直至食第2道appetizer時先知道

Crabe, avocat et apple mille-feuille avec la réduction balsamique(應該係蟹肉, 蘋果加牛油果)

Salade de modèle de Fettuccine d'asperge avec hollandaise et Saint-jacques avec de la sauce à échalote de citron (一堆法文之下我只係睇得明有帶子仔, 我果然係個好學生...)有人話佢係mini chicken leg, 好好味!!

Foie gras de canard casserole-frit avec la sensation de raisin (我既至愛, 煎到啱啱好既鵝肝)

Crème de soupe à champignons exotique (既然我係1隻鴨仔, 所以無食過法國菜, 但我決定為左呢碟湯愛上法國菜, creamy到癲既唔知咩菇湯, 飲完個口仲可以keep住d湯既味!)

3個main course任擇其一

Canard confit avec les pommes de terre Lyonnaise (某同學解釋duck confit係用油整熟隻鴨, 即係....??)

Coq au vin, le modèle de Le Manoir Quat' aux Saisons (預多咗一份既紅酒雞, 因為知道我哋係黑洞?!)

les escalopes casserole-frites de porc avec le cidre d'apple Sauce (maincourse 3係佢, xx豬肉)

隆重登場3個dessert, 一人一碟食勻3款

Crepe Suzette

Crème brûlée Carmel avec la salade de fruits\

最後一味疏乎厘...因為掛住食所以無影到相

一餐飯因為我地搞搞震, 有人又要有煙break, 兩位先生又要煮煮吓野食走出唻吹水, 同接受我地既歡呼

於是我地由夜晚八點幾食到凌晨兩點

好想再食一餐!!

上次寫去"加洲"踩單車

皇上十分好奇係咪真係有人播<飄雪>做background music

鑑於我已經好耐好耐無做gym, 對上o個次去係聽緊twins既<大女人>, 唔知而家仲有無<飄雪>聽

但係加洲單車每次都會帶唻驚喜

今日打電話去book位....

C: 你想要咩位?

我: 有無D側邊D既位? (註1)

C: 有呀, 你要幾多號? (註2)

我:我唔知幾多號喎 (註3)

C: 咁7號丫, 好嘛

我: 好呀好呀 (事實上, 我根本唔知7號係邊, 每次我都係答好!)

關於加洲既新規例, 其實一D都唔新, 都出現左好幾個月, 我同朋友們一直都唔明點解要咁做

反正book左位你就一定有得踩, 何苦要迫人地幻想一個riding plan再亂咁講自己要幾多號車呢

到底又有咩人會記得自己架戰車o係邊?

反正架架車都係咁踩架la

莫非有d搶手貨好風水d?

註1: 平時都係講要咩位, 再等員工求其講個number俾我知

註2: 唔記得幾時開始, 加洲推行講單車number唻book位既政策, 即係你可以預先揀坐咩車, 而唔係去到先睇位

註3: 加洲分店遍布全港九, 每間分店既單車室都有獨立既座位安排, 你係唔會記得邊架單車打邊架, 除非你去極都係同一間. 又, 雖然員工會問你要邊架車, 但佢地網上係唔會有sitting plan/ riding plan, 所以你係唔會知道架車既位置係邊

攝記叔叔講得o岩

我真係成個醒晒

分分鐘醒到今晚都訓唔著

而作為一個嚴重唔夠訓既女子, 能夠咁精神

又係咪一件好事呢

皇上話佢地可以令我好快樂

i hope so

月頭一口氣買左六本書, 近日終於記憶力恢復

醒起我有一堆書未睇, 揭開其中一本寵幸

廿四歲中國少女只係識講"how are you? I'm fine, thank you!"但係隻身遠赴英國返語言學校, 再出書記錄佢既愛情, 生活, 文化衝擊, 書既開首已經寫明佢因為呢本書得到xx獎同xx獎又有多人力讚

揀佢做第1位寵幸既書, 只係因為心血來潮揭開其中一頁, 入面大大隻字寫住~~

we love to talk about weather

作者回應係: 哦~~因為你地既天氣太灰暗, 所以生活被天氣掣肘

一環扣一環之下勾返大腦記憶櫃頭入面PR Lolly講: 英國人既打招呼說話係how's the weather today? 我地每日不斷咁講天氣點點點, 收音機亦不斷播放天氣預測

猶幸去英國時天朗氣清, 同事K既倫敦之旅亦都一樣, 尋晚講起完全係一個字: 正!

香港落左n日雨, 某日編輯K話原來已經落左一個月雨, 個人懨悶到極點

於是我努力搵番之前外遊既藍天白雲相好想為自己打打氣, 甚至將d相set做電腦同電話既wallpaper

之前唔明Lolly既說話, 總覺得天色唔好咪唔好law, 有咩問題呢? 但原來見唔到太陽伯伯係會心情低落

星期四, 太陽先生終於度完假返唻, 從來唔知見到太陽要感恩, 開心死~~

外遊多日, 念念不忘想睇<SATC>

Champ Elysees見到有戲院上映此片

若非時間緊迫, 我會衝入去睇

好掛住Carrie, Charlotte, Samantha同Miranda!!

同事睇完o既評語好壞參半

但作為一個習慣將自己投射落電影角色既女人

我依然好想去睇o個個另一位自己既分身--Miranda, 又mean又想要人鐘意但唔討好既女人 (雖然我最想做既係Samantha)

某日打算上完堂去會一會呢4個女人

但最後一堂星期二課, 同學仔發起飲茶聯誼大行動

呢一刻先知同學仔個個都咁厲害, 而我似係天鵝堆中既醜小鴨, 或者係西施狗堆中既小豬(!!)

人人各有大志去上堂, 而我只係無聊打發時間 (或者係為左數星期後同學仔煮既一餐5 course dinner)

靚仔老師隨後趕到, 不斷質疑點解我會o係份卷上寫英文

懸案至今, 我都唔記得o個刻做咩寫得出hobby呢個字

與4個女人既約會順延再順延

最終我去左睇<文雀>都係未睇<SATC>

究竟...

睇場戲有幾難呢?

要認識一個人最好同佢旅行,

4日3夜或者6日5夜都無所謂,

o係o個幾日大家同食同玩同過,

最真同不堪既一面都會出晒唻, 避都無得避

剛完成8日既trip

返到香港, 已經被問你o地o個幾日發生左d咩事......

戴住眼鏡蓬頭垢面爛撻撻坐完十幾個鐘頭長途機, 連自己都會俾塊鏡既倒影嚇親, 但依然要同你同事共晋晚餐, o個一刻我懷疑一個搭完十幾個鐘機既女人可以俾d咩fantasy一個男人, 又或者只會令一個男人醒覺女人既真面目確係不可窺探既真理?

呢d發人深省既想法算唔算發生左d野?

又或者, 雖然好好彩無jet lag, 但係每到十點零十一點我就開始靈魂出竅痴痴呆呆

又算唔算有d野呢?

甚至係某日同事要去我問房拎野, 而我只有15秒時間將本來撻晒出唻既野塞返落篋. 而同事一見到我張床, 失聲問我: 呢隻究竟係咩? 點解佢o係度?? 我先記得有位Mr S o係房中又為時已晚

酒店既人仲好好心咁將Mr S放正o係床中間, 擔心佢怕悶而o係隔離放埋個電視遙涳 (我出房前Mr S明明o係床頭櫃度)

如果以上都唔算既話, 咁俾同事o係tapas店內發現我係一個懶到出汁既女人又係唔係發生左d野?

從來唔覺得因為唔想搣蝦殼蟹殼龍蝦殼而唔食佢地有咩問題, 因為我一早訓練左我細佬做搣殼機器, 反正無人幫手時我唔食亦無乜所謂, 但tapas店內同事得知呢件事時既眼神明顯話俾我知, 佢估唔到世界有我呢種人

哼, 唔食蝦, 我可以食佢, 一樣咁好味, 仲唔駛麻麻煩煩搣殼添

出trip幾日狂食狂食, 同呢班白鴿好似, 其實我地係咪近親呢?

Finally, I back to Hong Kong

所有o係我遠遊期間狂send短訊俾我既家人朋友, 擔心我會蕩失路又或者跌親撞親食唔飽訓唔好既人, 終於可以放心勒

總結, 最叫作發生左d野既係, 我首次o係Barcelona搭metro但扮到好熟手咁呃同事, 中途o係Saint站唔識買火車票而被識穿, 好彩最終安全到達機場, 呢樣應該係咁多日trip既大事件