<星期日檔案>, 細個一睇到就即刻轉台既節目

近年愈唻愈鐘意睇, 情況同我開始鐘意望住<Discovery Channel>入面d動物跑唻跑去, 以及<瞬間看地球>一樣

或者, 遲d我會愛上<魚樂無窮>

今集講黏多醣症

香港既患者唔多, 估計大約三十個左右

知唔知咩係黏多醣症?

簡單d講就係人體缺少左一種酵素, bb仔既時候睇唔出有咩問題, 但慢慢會影響佢既成長: 脊椎變形, 視力同聽力受影響, 唔可以照顧自己起居, 行動不便, 等等

無辦法根治既病, 只可以靠藥吊住條命

代價係一年俾80至100萬(又有報道話400萬, 究竟幾多錢呢?)

又有無印象無幾耐之前有關於黏多醣症既遊行? 請求政府提供醫療資助?!

無意上生物課或另一節既星期日/一檔案

尋日睇到既係16歲患病小朋友, 要用放大鏡溫書, 連個波都未拎得好穩, 但依然名列前茅

有人問佢點解咁辛苦仲要讀書

佢答: 因為讀書可以吸收知識, 令我開心

記者問另一個患者對未來有咩諗法

佢話: 只係想珍惜而家, 將來只可以交俾命運

某某問我覺得人死左之後會變咩

我話應該咩都無, 可能係一堆灰, 因為我想火葬, 夠慳位

某某再問: 咁最後咩都無既話, 做人唻做咩? 咁辛苦

從來唔覺得自己辛苦, 特別係同真正辛苦既人相比

當可能只得廿年命既人都覺得每日過得開心同滿足, 無問過點解要辛苦呢廿年時, 其實我同你都無咩資格去呻自己好慘

o個一刻唔識答呢位某某

諗左成日, 婆婆終於整理好混亂既思緒

雖然做人到最後只係得堆灰, 睇個勢我都無可能名留青史, 亦都唔似遺臭萬年, 供後人傳頌/咒罵, 但做人既野, 咪就係開開心心過每日, 同埋令身邊既人開心

還原基本步既簡單答案, 係<星期日檔案>教既

鐘意睇喪屍片

咬甩頭扯甩手成身血仲o係個地下典下典下, 感覺好正

可惜正既喪屍片唔多

<生化危機>拍得太多驚喜欠奉, 變左做觀眾既危機

反而港產片<生化壽屍>一班人被困商場遇上爛面喪屍

雖然無乜特技唔係打到飛起

但會睇到心仔卜卜跳...因為太貼近自己!

近日好想睇<REC>

皇上評語係"驚"

雖然坊間已有人穿橋爆晒最驚O個幕係咩

但依然會睇!!

今朝起身食住蘋果飲住咖啡睇爆腦漿

泥膠公仔既短片, 主題係喪屍

血漿平賣勁過<xxxx無頭谷>

一齣睇到心仔狂跳既卡通, 大腦即刻醒晒

chainsaw maid

遠在1936年，中國還在內憂外患之際，香港仍屬英國殖民地之時。居於銅鑼灣大坑老圍小漁村的八名業餘足球隊成員，與中國球員組成十一人的球隊，參加當年德國柏林奧運會，讓中國人以團隊身份，第一次踏上了奧運會的賽場。 from<頂頭鎚> 

一齣我完全唔記得點解會話睇既話劇

事後回想, 應該都係因為一年要睇一次香港話劇團既自定不成名規定

但係...點解會係佢既呢

其實我對足球無咩興趣

朋友仲記得我當初話想睇, 係因為poster上面個頭鎚<--呢個係咩理由? 但又竟然有人接受仲走左去買飛

講返齣劇

<頂頭鎚>其實食正奧運熱

好耐無睇過歌舞劇

今次作曲同填詞都好正

口語化歌詞好好笑, 場刊仲有妙趣廣東話讀音加註解

將足球變成舞步, 故仔有奧運有男人既友誼有家國情仇再加兒女私情

大雜會但一d都唔亂

3個鐘入面每個演員起碼有一句金句, 但唔係<家好月圓>既爛gag當金句或者夾硬講

演員唱歌唔錯, 當然比好多歌手好一大截

百六蚊好超值

話時話, 你知唔知香港曾經有球員代表中國隊參加奧運?!

佢地因為無經費, 於是巡迴東南亞表演賽籌錢

結局係對英國時以0比2輸左

但係上半場一直keep住0比0, 無比英國入過一球

其實我都唔知

係場刊話我聽

<Hell Boy 2>

公司竟然沒有人知道此戲

我覺得太過分

今晚要去看電影, 我跟同事形容: 那隻紅色怪物有兩隻斷角是撒旦之子, 有班朋友, 一條是魚人, 一個是噴火女, 他們在甚麼異能研究所打怪的那齣呢

依然無人聽過

心灰意冷得我以為看過的第1集也是我的幻想, 連戲趣與我相同的大師也未聽過, 還好他聽過我的生鬼(?)描述說一定要看看

第二集比第一集多了很多很多笑位, 怪獸多了又醜樣了, 我看得好興奮(!), 但我竟然想起消失的密室加活米村

而且為何魚人的身體多了藍色紋, 還是上集我忘了?

五日內睇三齣戲, 由血肉橫飛打不死到感人肺腑真人真事至犧牲小我好爸爸

咁既戰績, 唔怪得會俾不同既人問: 你係咪好鐘意睇戲?

蘭保式既手腳分離同射甩個頭, 其實真係不太恐怖

埋身肉搏白刀入紅刀出, 或者一手扯爛敵人既喉嚨, low tech打鬥更加符合官能刺激

講劇情, <熱血回歸>真係無乜, 演技? 亦都唔會有

點會expect打左botox既史泰龍俾到表情你呀?

但係佢以六十高齡有咁既肌肉仲可以通山跑兼碌唻碌去, 果然老當益壯

最痛快係睇蘭保殺人, 我承認我有潛藏既血腥因子

見到佢將壞人殺殺殺同扭斷頸確係大快人心

好似將自己既冤氣都發洩晒咁

同玩過山車或者跳樓機狂嗌既行為, 有異曲同功之效

----------

<戰火逃城>掛發哥頭賣Hogg肉

二次大戰, 英國記者帶住一班孤兒攀山涉水搵安全地

最後死於破傷風

結局有d爛同兒戲

但因為發現佢係真人真事改篇, 即刻覺得呢個結局好慘情

Hogg變得好偉大之餘仲靚仔左

然後小朋友既演技又好左, 故仔結構又緊湊左

於是大家都發現我既評分準則好唔可信

不過, 呢個世界的確有好人

點都可以為呢齣戲加多20分

------

<一個好爸爸>應該算係張艾嘉拍既喜劇

結局無預料中咁悲慘已經係喜劇

奶茶依然係我最喜愛女演員既榜首

黑社會爸爸既掙扎會唔會係所有做老豆既哀歌?

個女細細個勁黐你, 到大過左就同你無乜兩句, 爸爸會唔會好唔開心

話時話我都好耐無同老豆傾計添

經上次<mist>一役, 今次朋友仔全程唔敢出聲

到散場, 好開心咁話: 終於解禁

然後blahblahblah狂講野

唔...辛苦佢勒, 捱左咁耐唔出聲

完全唔知齣戲講乜既情況下入場, 自然唔會做定功課, 亦都無諗過睇戲前要預習, 於是兩粒幾鐘, 其實我睇到有d一頭霧水

後來先知, 哦~~卜戴倫即係Bob Dylan, 原來係講個歌手, <Blowin' in the wind>都係佢既<--我的確好無知, 後來既發展更加嚇人!!

六個人分別代表唔同時期既Bob Dylan, 傳奇既一生由民歌歌手到electric song然後唱福音

六個角色無一個叫Bob Dylan

幾個故仔跳唻跳去, 黑白穿插彩色, 一度嘗試將佢地link埋一齊, 無幾耐就放棄, 因為幾個故仔人物其實都無關連, 而且我開始病發(註1)

Cate Blanchett女扮男裝o既造型最神似, 嗰種睥睨同扮相, 簡直係Dylan上身

黑人細路Marcus Carl Franklin, 11歲人仔竟然演出蒼桑, 一句"活喺你既年代"令人心痛

反正六個人演既Dylan, 都有種被誤解既情況

事前唔知Bob Dylan既生平, 睇完齣戲亦唔見得理解多左, 與其話佢係齣人物生平簡介, 不如話將Dylan嗰種"吓, 乜你覺得係咩? 我有咁講過咩? 我係咁既意思?"既被曲解擴充再擴充

然後成就一齣戲

電影叫<I'm not there>, 我懷疑導演根本就唔想將卜戴倫個名掛喺嘴邊, 你地自己感受就得

中文譯名將主謂賓大兜亂, public icon個名大大隻寫出唻, 無晒幻想空間, 咁算唔算敗筆?

註1) 對於一個有認人障礙既人而言, 睇呢齣戲有廿個辛苦, 事關除左Cate Blanchett同Marcus Carl Franklin之外, 我根本分唔到其他人 (分到佢地因為一個最瘦一個最黑). 即係Christian Bale, Richard Gere, Heath Ledger同Ben Whishaw, 旁人明顯分得出既四個人, 我將佢地當係一個人咁睇, 係呀, 我連滿面鬚既Richard Gere都當左Heath Ledger, 仲以為係後者既老妝

所以散場時, 朋友甲乙係咁數究竟嗰七個人係邊七個時, 我一句野都無講, 因為我根本只係數到三個....其實係兩個, 因為我更多時候係將Cate Blanchett撈埋落嗰四個人度

睇到依嘩鬼叫拍晒手掌既電影

將男人最驚既閹割心理無限放大

黑色幽默由棚牙開始

男性主義鐘意用佔有女人既身體作領土擁有權既方法

跨下等同力量

你睇林子祥喺<女人本色>度點對梁詠琪就知

愈自豪既地方, 其實可能最脆弱

針對呢點

女人要發洩, 惟有投射去神話故仔度

話俾你聽小心d唔好亂唻我都有武器

呢齣戲, 其實最啱男朋友/ 老公鐘意滾三滾四既女人

帶埋佢既另一半同睇

應該甚有警惕作用

留守至字幕完

一句"no man was harmed in the making of this film"

應該可以今一眾男士定定驚

稍減齣戲既恐怖程度

雖然我覺得佢似笑片

特別係結尾阿Dawn既奸笑

簡直大快人心

電影製作認真到喺齣戲既官方網 危險, 勿近

有女主角阿Dawn既blog

講擁有vagina dentata既諗法

逼真到有晒個人資料同my favourite music

做戲做足全套

於世貿既Starbuck's等店主歸來

邊飲經典朱古力邊發呆

左手邊

就係呢個展覽

我無睇過<13點>既漫畫

但係呢一刻

我覺得佢係香港版Blythe

Chanel 2.55

一個成日介紹但從來無諗過會買既袋

情況等同見到Hermes

我會尖叫嘩好靚呀d皮好軟呀隻色好搶呀blablabla

但依然唔會將佢set做我既gift list

Chanel Mobile Art, 入場, 因為豬皮手袋

近距離見到更覺震撼

一個有豬毛有紋身既Chanel袋

導覽聲(?)話鱷魚皮, 蜥蝪皮, 鴕鳥皮手袋索價高昂

咁一隻有紋身既豬皮袋呢?

俾你, 你要唔要?

荒木經惟既裸女照搭花花圖畫

鎖鏈纏身既裸女有種SM feel

驟眼睇背後影子竟然似一朵花

鐘意影裸女影色情既荒木經惟果然無令人失望

紙皮盒動畫既手袋起義

令人會心微笑

同場有位外籍人士大大聲狂笑都係因為呢六個箱

小野洋子既願望樹已經插針都唔入

不過我依然搵到位放低我既願望

Pierre & Gilles 要你從水既倒影窺日與夜

於是個個低頭凝視

貨櫃內有chanel logo有bear bear有皮味

電視播住女人喺呢度活動既家居照

35分鐘既exhibition

發現另一個角度睇既2.55, 原來唔只係個手袋

只係覺得有d唔夠喉

痛恨點解自己對眼唔係快門

影唔低見到既野

3個鐘頭後

我記得既只得番8成

<Uglies> by Scott Westerfeld

Eva媽媽話我一日睇一本書

咁梗係唔得la, 本書咁厚, 睇左3, 4日架勒

故事講未來世界, 任何人只要滿16歲就要去整容做美人, 咁樣大家就唔會因為容貌而分高低. 主角一心等做手術, 點知陰差陽錯, 發現一d不可告人既秘密

孟子講世界大同

人人物資分配平均就唔會有戰爭

如果大家都係美人, 應該唔會有歧視

再加埋個性溫順, 就更唔會有爭執

呢個簡直係烏托邦

但原來人人一式一樣似倒模

就會一成不變無進步

只靠小數人去統治去話事

紛爭會唔會真係少d?

故仔有d似<matrix>

當科技去到一個人類控制唔到既地步

人就會被反噬

然後抉擇出現

你要幸福快樂既假象, 定係艱辛既真實?

破壞現有既虛假

又係咪一件好事呢?

呢個幾禮拜, 見到各方好友都會對住佢地喃喃自語

好想睇the mist, the mist, the mist

如果霧係片中一班角色既夢魘

我不斷提住既the mist, 亦成為身邊朋友既惡夢

氣氛營造同驚嚇位比<1408>更強

睇到中段先知原來係講人生的意義

恐懼之下人人有唔同做法

有人拼死要去搵自己既仔女

有人科學角度行先

有人由瘋婦變成靈魂救贖既人

被困一室, 人性展現

好真實好心up, 比怪獸來襲更加嚇人

hero is known in the time of misfortune

於是, 又有人被推做leader

成為帶領眾人過紅海既摩西

責任加身, 有d決定刻下係最好

30秒之後, 出現早知xx, 就唔yyy既諗法

到最尾都仲係講緊人性

兼美國政府係最強最叻最勁既!!美國萬歲!!yeah!!

返屋企途中, 一直諗

如果真係有怪獸

我被困新世紀廣場

咁我會自殺定拼死搵救兵還是等運到

朋友話我可能會走出去偷影怪獸!!

when there're two people in a room, they'll have different idea, that why we have politic and religion

對話環節

PART 1

A: 你睇Stephen King既書咩?

B: 唔係呀

A: 咁做咩睇呢套戲

B: 因為有怪獸

A: 你有無走去睇<哥斯拉>?

B: 有線重播我會睇

PART 2

C: 齣戲講咩架

B: 唔知

C: 咁你又話要睇? 科幻片唻架

B: Trailer d怪獸好型

C: 咁你係咪會睇公元前10000年

B: 我唔鐘意長毛象!同埋長毛象唔係怪獸

PART 3

A: 佢拎住把槍呀! 熄燈la! 燒得好嚴重呀! (下刪一千字全場有眼既人都睇到既野)

C: 用成3分鐘講人性. 我都估到個結局. d人徬徨時就會有宗教. (下刪一千字腦筋急轉彎影評)

散場

B: 我以後都唔會同你地睇戲

A: 我驚你睇唔清楚

C: 我講D野好make sense架喎

B: 唔該晒, 但我想開槍殺死你兩個!!!!

PART 4

A: 又話齣戲好驚既, 都唔係

C: 要睇人性同恐懼, 不如睇<Cube>la, 呢齣爭d喎

B: 我無話過齣戲會驚, <Cube>都唔同....我諗住睇怪獸jar ma!!

其實對話中仲有D, 但佢只係負責冷笑, 實際作用不大

如果真係有槍

到最後, A, B, C三個人應該會互相射殺對方, 而D就會幫我地收屍

所以我地要有politic同religion

咁就會忍受到某人因為"怪獸"而睇戲既問題

亦忍受到某人鐘意講影評既壞習慣

好睇度: 4粒星 (齣戲有3粒半星, 怪獸加半粒星)

絕少絕少聽外國歌

我只係canton pop同國語歌既支持者

仲要聽唻聽去都係o個幾首

ipod十年唔update一次o個隻

機緣收到Shayne Ward mini concert既飛

皇上話佢係深情歌手(王子?)

飛上面既樣確係配合呢個名

對眼識講野咁, 正

現實中漲爆左既Shayne令我又一次想歌頌Photoshop既功績

(皇上, 記住話俾我聽Shayne點答你條做gym問題)

concert內人人盡情尖叫

Shayne未出場就開始嗌

尖叫聲不斷, 愈唻愈大聲既一刻

拎住漏氣棒棒既我

望到前面千人空巷

好想走去扑傻瓜

後來, 我發現

其實我都識唱Shayne既歌

MTV台怒播既歌, 原來係No Promises

但係點解我連Breathless都識唱??

同行友人發現Shayne既fans以青春少艾同ABC佔大多數

皇上話可能因為佢既歌詞太直接

例如~~

Hey baby, when we are together, doing things that we love.
Everytime you're near I feel like I'm in heaven, feeling high

又或者

You leave me breathless
You're everything good in my life
You leave me breathless
I still can't believe that you're mine

即係簡單直接講我愛你

朋友力讚佢既假音比得上Mika(!!)

而我只係覺得九展所有hall都係謀殺場所

即使你係歌王歌后

但o係star hall或九展任何一個豆腐潤場

都足以殘殺你既歌藝

音響差, 燈光怪怪

所有野打左7折

點解之前小男人週記仲要o係呢度上演

簡直係一個謎

到最後, 我先記起Shayne就係近排o係izzue廣告見到既人

後知後覺

朋友話Shayne同izzue完全唔夾

情況等同李嘉欣x Vanilla Suite

又或者Shayne x 大快活

甚至係Lisa姐 x Mercibeaucoup,

沉迷打機, 算唔算電車女?

放工返屋企夜媽媽, 沖完涼繼續拎住部nds督督督

阿媽覺得我似頹廢青年

但我堅持賤兔同雷頓教授係近排既賣飛佛

兔仔超樣衰, 好想星佢兩巴, 但又似足我至愛既阿闊

我懷疑呢隻game既目的只有1個--

令到你隻手抽筋

instruction guide大部分都係叫你跟住箭咀畫

總之就係要快快快

最最無聊又得我歡心既係某個要對住mic狂叫既game

遊戲背景係戲院內, 賤兔講電話, 你愈叫得嘈同長氣, 個power就愈高

到戲院職員入唻檢查時, 你就要收聲兼狂督其他對手

屈佢地講電話

好賤格無聊低能兼嘈, 每次玩都會惹唻家人既鄙視

但又有舒筋活絡發洩情緒既功效

呢隻game既另一重點係你可以極力醜化本來已經樣樣衰衰既賤兔

例如幫佢加個師奶髮卷或者著套水手衫

好開心

一直好憎玩RPG, 連帶o個d類似既故仔game都極抗拒

又要行又要搵線索仲要周圍督督督搵hints

好煩好煩

如果加埋解謎既話, 更加想死

雷頓教授集以上優點(?)於一身

奇跡地我竟然會玩

又離奇地覺得好好玩

故事情節話雷頓同徒弟仔受託去小鎮查寶物, 點知委託人被殺, 令成件事更困難

師徒兩人o係查寶物時, 又發現呢個小鎮有不可告人既秘密

仲有個神秘又危險兼入唔到去既高塔

似打緊機又似睇緊偵探故事

大量智力遊戲訓練你腦筋急轉彎

我玩到入去高塔勒, 對於寶物係咩樣無乜興趣

反而好緊張劇情發展係點

**我部機成日俾我狂督, 會唔會好快壞??

恨睇左好耐＜蜜蜂電影＞

好彩身邊永遠有人肯陪我睇無聊卡通片

皇上話唔好呢類正經卡通片

對我唻講，1隻識講野既蜜稱唔上係正常bor

我仲o係齣戲入面見到曾志偉同肥肥，真係超似

蜜蜂仔enjoy一世人打死一份工

最好可以做到死無得抖

到某日有得抖

佢地就真係"撟"埋手咩都唔做

其實呢個世界唔係只得1%同100%

只可以揀做到死同嘆到死gra

咁會教壞細路bor

見到蜜蜂扮花同飛機學蜜蜂降落，笑到死左

個肚笑到好辛苦

hyper過同場多位小朋友

但係，點解蜜蜂罷工

其他昆蟲又唔做野呢？

到底蝴蝶去左邊？？

唔係得蜜蜂先識傳播花粉架bor

－－－

outback既黑糖麵飽依然咁好食

齋買飽食住排隊等入場

正～～

7年後再回歸之作, 比我早睇既朋友有以下建議: 帶定包紙巾先好入場!!

既然我連飛都唔記得拎(容後再談), 就更加無可能會記得佢地既建議

十幾個人物, 十幾段故事, 三個鐘頭無中場休息一氣呵成咁做, 入場前, 工作人員既對話係: 記住去廁所(?)

故事其實唔係太了心了肺既催淚戲, 但當日睇陳慧呢本書, 真係喊得好厲害

不過, 入面包括咁多個人經歷, 總有樣會中左你既心事

可能係某人既背叛, 或者係時間既錯置, 甚至係六四......

可惜既係令我印象深刻, 又或者好帶到我入故事既演員, 既然係無

但幾欣賞二姝講故事既方式, 一黑一白, 一回憶一往生, 交錯穿插, 感覺得意, 而且, 做拾香既演員, 有d似某朋友

燈光一熄, 同行友人即刻拎定紙巾, 三個鐘頭, 不斷聽到撕紙巾包裝既聲, 而我, 竟然滴淚未流到散場

朋友話一係你淚孔閉塞, 一係你近排太幸福, 所以無唔開心野, 唔會對號入座

但我兩樣都唔係bor...

無帶飛故事係某日我驚覺自己既銀包太混亂, 於是將入面既廢紙拎晒出唻, 轉落另一個地方安置(但依然唔係垃圾桶喎), 星期日去到劇院, 朋友拎左張飛俾職員, 再回頭問我:你張飛呢?

下?唔係o係你度咩

無喎, 俾左你嘛

okok, 我已經記得佢既所在地, o係十幾個地鐵站外再轉小巴既我屋企. 唯有好可憐咁問職員點算好, 好好人高層竟然話等d人入得七七八八, 就俾我入去坐, 不過如果有人唻話我坐緊既位係佢, 我就要離開

結果當然係安坐三粒鐘la. 好人高層信人既程度係: 朋友唔記得我既座位係邊度, 講錯晒之餘, 高層依然相信我地

感激世上仲有無數好人

因為收到太多書做生日禮物

近日都係書不離手

返工放工, 搭地鐵或小巴時睇書; 等影相時睇書; 等人食飯時睇書

呢兩日睇緊既係<日巡者>

即係年幾前出DVD既俄羅斯科幻片既第二部曲 (話時話, 隻碟去左邊個度??)

當日睇完隻碟, 驚為天人

即時講俾親朋好友同事聽: 套戲超級好睇!!!!

亦都懷疑, 點解呢齣戲, 香港無上過? (真係好睇過<哈利波特> + <魔戒> + <俠影魔龍>)

皇上解釋(又係佢, 佢係電影疑難專家), 當初o係香港試映時, 傳媒反應極差, 所以唔o係戲院上

世事離奇在, 呢齣戲既DVD出左之後, 外間反應又好好bor, 於是有傳聞話會一次過上晒二部曲 (即係<夜巡者>同<日巡者>)

但係, 等左成年幾, 都係一d聲氣都無......

書, 想買左好耐, 但一直搵緊理由說服自己o係有限空間入面再增加藏書量 (但亦都一直搵唔到理由)

睇完<夜巡者>, 發現當日齣戲只係做左佢既三分一內容; 睇緊<日巡者>, 驚覺佢之後仲有兩部曲

於是睇既速度開始減慢, 好怕自己睇完本書, 仲要等兩年先睇到下集

編輯K問: 成日睇書, d書真係咁好睇?

答唔到你

以前睇書, 因為要做功課, 睇書要抽絲剝繭將入面既資料融為己用, 仲要寫篇幾千字論文 (所以唔好再驚訝點解我打字會打得快, 因為日子有功)

而家睇書, 因為唔想諗野, 只要雙眼望住d文字個腦自然就會想像個情景, 於是, 可以有片刻既逃離

就算本書幾唔好睇, 以上情形都會出現 (當然, 呢排睇緊既書都係十大好書la)

-------------

睇卓韻芝既專欄, 佢話世界上有兩種人

1/ 假設個個都唔可信, 直至你證明你可信

2/ 假設人人都信得過, 直至俾人呃

佢話自己係第二種人,

我諗我都係, 後面可能仲要加多句: 直至俾人跣一鍋好甘好甘既

攝影師話咁既諗法太天真

我既反駁係唔信你未天真過

如果, 呢一刻, 呢個人仲可以咁天真既話, 應該證明佢好幸福/ 好好彩, 因為真係未遇過大奸大惡既人

咁...都唔錯丫

卡洛斯．魯伊斯．薩豐的作品，過往作者只創作青少年文學，此乃第一本為成人而設的故事

朋友大力推介為近期十大好書的第二位(第一位依然是Shopaholic系列)

故事說甚麼呢?

十歲小男孩偶爾得到一本小說, 看後, 再三回味, 決定尋找作者的其餘作品, 卻發現他的作品稀罕得成為收藏家獵涉的目標, 而死去已久的作者又留下一連串未解的謎團, 小男孩追查作者的身世之謎, 同時要躲避"無面人"的恐嚇......

以西班牙為背景的成長故事, 有歷經內戰後的紛亂, 又有偵探, 恐怖, 歷史, 愛情與友情, 被遺忘與遺忘的追尋

有書評人將這書與<百年孤寂>相提並論, 我覺得有點言過其實, 但這書, 確是令我重拾手不釋卷的滋味. 我看書, 習慣看到一個章節便停下來, 休息或睡覺, 翌日再看, 但這書的故事一環扣一環, 一個章節的完結, 是某件事情的告終, 但同時是另一件事的序幕, 於是你會一直追看, 不捨得放下

上周二, 朋友借這書給我看, 六百多頁的書重得很, 我還是每天背著它上班下班, 坐車時差點看得忙了下車. 終於到星期六, 還有二百多頁未看, 晚上便一口氣地讀畢, 幾近瘋狂

有點哲學意味的書, 卻未至<追風箏的小孩>般沉重, 難怪朋友說是十大好書之一

有組織及預謀下,

生日收到好多本書,

夠我睇好幾個月

仲有家人, eva媽媽同朋友送既其他玩具仔

玩具仔1號, 今日嘗試買正片餵飽佢

但問過幾間鋪頭都話無得賣

要遲d去八月照相館買左,

先可以帶佢出街玩

不過齋望到佢個樣都好開心

玩具仔2號, 充電中

心大心細左一個神拜後,

得出既結論係佢

愈望愈靚仔^^

玩具仔3號,

朋友教左我照顧佢既方法

不過掛住理2號, 所以未得閒搞佢地住

re社長: 有心唔怕遲嘛, 承你貴言, thx

7月開始等<哈利波特7>既中文版

3個月來要避開所有關於呢本書既評論同揭秘

好辛苦

最怕係睇完英文版既朋友仔會突然鬼上身爆個結局俾我聽

每次聽到Haryy Porter會點點點

都不期然即刻搵地方匿

9月尾訂左本書, 開始每日倒數

30, 29, 15, 13, 8, 7....

甚至早左一日去拎書

仲俾老板問你係咪好心急?

係呀係呀我真係好心急

20同21號既活動係睇書

讀後感係好．好．睇

(如果呢篇真係讀書報告我一定拎丁)

兩本書一屋三姊弟輪流傳

細佬仲同上集搏鬥緊, 我同妹妹唔敢o係佢面前討論劇情, 怕俾佢怒啤

睇完

最震驚既唔係個結局

而係尋日睇報紙

J.K.羅琳話鄧不利多係同性戀!!!!

吓~~~~

我對各人既性取向無特別意見

但係呢本書唔係寫俾小朋友睇既咩, 咁既人物設定會唔會俾學校投訴??

<哈利波特>大結局, 朋友叫我轉睇向達倫

但係佢有咁多集, 我屋企已經無位放書勒, 點算好?