日本的男性瘋狂地「萌」（日文中的「萌」，指的是很喜愛的事物的意思） 文化系女子，文化系女子其實算是女御宅族裡的一類，因為喜歡藝術、閱讀、電 影、戲劇等的文藝嗜好，知性清新，思想獨立，讓很多日本男性「萌」到受不了。

　　日本《Eureka》雜誌，最先出現「文化系女子」這個名詞，該雜誌的 文化系女子特集，甚至還引起日本廣泛討論。雜誌中所提出的「文化系女子」是指喜歡閱讀、電影、藝術等文化事物的女性，該雜誌還特別設計檢驗文化系女子的20項特徵，如果符合15項就算是文化系女子：

　　1.喜歡看書
　　2.喜歡看電影和看美術展
　　3.喜歡從事寫文章、畫畫等創作活動
　　4.每天寫日記
　　5.喜歡獨自一個人
　　6.覺得沒有朋友也沒什麼不好
　　7.不想生小孩
　　8.喜歡散步
　　9.對戶外活動、運動等不擅長
　　10.有戴眼鏡
　　11.對於流行不感興趣（比較喜歡老東西）
　　12.比起長生不老比較想早點死
　　13.曾想尋死過
　　14.有妄想的癖好
　　15.曾在不知名的車站下車過
　　16.喜歡腦筋好的男生
　　17.討厭好萊塢
　　18.四季中最討厭夏天
　　19.有跟大自己10歲以上的男生交往過
　　20.不太穿膚色的絲襪

　　根據台灣日本綜合研究所的觀察報告，認為文化系女子其實就是不折不扣的 女「御宅族」，但為什麼會受男性歡迎，最主要原因就在於男性主觀認定。日本是個物欲消費社會，而文化系女子因為有不同於拜金女購物的興趣，讓男性覺得知性優雅有氣質，尤其同樣是文化系的男性很喜歡和文化系女子心靈溝通，覺得比較容易親近或是容易有相同的話題。

20點入面, 我中左18點

如果學好日文, 又搬去日本住

我諗我會極受日本男性既歡迎

D:開左XX紙俾你, 好嘛?

我: 吓?

D: 訓覺紙呀!

D: 你之前話要病假紙都無用, 出訓覺紙俾你會唔會啱用D?

我: 唔駛勒, 唔該

D: 真係唔駛? 訓覺喎

(訓覺紙到底係咩?你係咪想O係張紙度寫我因病需要訓覺兩天??)

XXXXXX

D: D藥有D眼訓架

我: 好

D(心諗今次咁順攤): 你真係唔要訓覺紙

我: 唔要(夠未呀你)

D係我既醫生, 風趣幽默, 不斷遊說我拎訓覺紙(!)

醫生

我覺得你D藥唔係有D眼訓

佢地根本係安眠藥

搞到我企O係地鐵入面--訓, 剪頭髮--訓, 等車--訓

所以我擅自將1日4次既藥

改做1日1次

臨訓前食

XXXXXXXXXXXXXXXXXXXX

某日我手拿好心同事借俾我既碟檢閱

<四百擊>係我話想睇既

另外一隻杜魯福係同事覺得我會鐘意睇既

然後....

我: 呢隻咩唻架

C: 肯定你會鐘意既野

我: 吓, 我係氣質少女, 你俾D咁既野我?!

C: 係呀, 所以咪睇呢D LAW

C: 要唔要?

我: 要

O個隻唔係咸碟, 係<異獸變>, 又名<MOSQUITOMAN>

即係O個D受幅射特變

由人變左做血肉模糊既巨蚊, 同時大開殺戒

一手將人地個腦劈開一半

再吸乾受害者D血O個種血腥怪獸片

究竟我鐘意睇怪獸既形象係咪咁深入民心??

XXXXXXX

S1: 佢地要用WASABI刷到棚牙都係綠色

S2: 再食江蘇餅, 漿住個口, 然後講一大段野

S3: 呃佢地話有水飲, 但係熱茶唻既

S4: 唔准直接用口飲, 要用珍珠奶茶既飲筒飲

S5: 插完隻腳落冰水度, 用包住冰既地布俾佢地抺腳

(下刪數百字)

狀似虐待犯人既惡行

其實係朋友結婚時將會用唻對付新郎同兄弟既內容

查實我地無咩新仇舊恨

相煎何太急呢, 施主

當皮膚質素由peak直插valley

仲要o係谷底搵路想再落d落d(你係咪想去ocena trench??)

難受程度絕對係爆燈

話說有咁耐風流, 就有咁耐......

於是,

報應出現

1/ 皮膚敏感

2/ 面部泛紅 (我唔係心跳加速面紅紅, 而係乾到面紅紅)

3/ 生粒粒 (就算model努力幫我搵其他藉口, 我諗我始終要面對現實, 我生粒粒, 好青春)

4/ 因為塊面乾, 上唔到妝

然後

補救方法產生

1個月內

1/ 換兩隻洗面產品

2/ 買新粉底

3/ 狂買mask

4/ 轉eye cream

5/ 爭d買左千幾蚊1個月份量既collagen, 最後用1/8價錢買差少少既野

6/ 早睡早起勤做運動努力1日1水果1杯紅棗水

7/ 買新lotion, toner

我既人工

奉獻晒o係我塊面度

o個塊我一直由得佢天生天養既面

08年, 新願望

可以o係谷底一步一步爬返上山腰

吾願足矣

43萬既日本一,

某報記者形容吃後齒頰留香, 滋味無窮......

我只係覺得有油有筋無魚味

旁邊既三文魚竟然比佢更肥美

懷念當年某片吞拿魚腩

入口即融仲有魚油咇出唻

o個刻我決定要搵好多好多好多錢

從此可以唔駛睇價錢食正野

個人感覺佢係比日本一更好味

----

期望愈大未必失望愈大

炮台山麵飽蟹同翡翠螺都好好食

鮮味又多蟹膏

不枉我捱涷坐路邊

第二次飯局

飯友習慣同行兩女子食量驚人

對於放滿枱既野食再次以狂風掃落葉之姿食晒

唔再覺得驚訝

各科學家唔需要再尋尋覓覓

黑洞就處身o係我地兩人既肚內

下次目標~~鰂魚涌青口(定係蠔??)

------

影評大讚好睇既<破事兒>

未至於彭浩翔返唻

但總算見返佢個影

唔駛錢既戲, 我會俾高d分

一定高過<異獸戰>

唔, 有7分

我都想做大頭阿慧

可惜, 我永遠只係佢個fd

o係隔離眼啤啤o個個

我, 唔係基督教或天主教徒

但係, 我會去葛福臨報道會, 會低頭祈禱 (?), 仲會唱詩歌(??)<--但我永遠唔會識ｄ音點唱

朋友受浸, 佢話呢個係佢地既重要儀式, 比得上結婚既大事

於是, 我八點鐘起身, 九點半出到旺角, 就係為左睇佢行禮(佢話唔係叫行禮, 但係我唔理)

結果...識路既朋友仔唔知醒, 失左蹤

同時我個電話面臨無電既危機, 又搵唔到主人家<--o個一刻, 我好想返屋企, 但驚俾人咀咒至09年

排除萬難 (有幾難呢又), 打的去到行禮(!!)既地方

我發現

我無帶銀包, coins bag只有$7

準備行禮既人收到求救訊號即刻著住件袍衝落唻幫我俾錢

又因為禮堂爆晒

於是o個兩粒鐘...我係房仔入面對住部時大時細聲, 又會有鬼影, 同去到最後15分鐘一片雪花既電視機睇行禮(!!), 仲唱普世歡騰<--佢係我惟一識唱既詩歌

額外收錄, 睇到浸禮既水池

嘩~~原來係咁

八卦既人有唔少, 成班人一齊裝個水池<--唔好意思, 我地係大鄉里

朋友既人生一大重事完成左

我餓到抽筋既胃亦都可以食野

勝利小廚既海南雞飯, d雞超滑, 我唔識分佢係雪藏雞定新鮮雞, 但雞味好濃, 黃油飯都好香, 就算唔加任何醬料都好夠味

good good

很久以前, 我還是懵懂時,

要寫首新詩,

那是客席教授開出的作業,

她用兩堂時間講解新詩的歷史與特點, 還有賞析大會, 一堆意象隱喻和符號, 弄得我頭昏

我們有一星期的時間寫詩, 題材任定

我最怕這種自由創作的遊戲, 因為我沒創意

用5分鐘寫了首不通的新詩, 大意是我累了不想再糾纏

兩星期後, 我還在糾纏, 又是客席教授上課的日子

她抽取佳作, 要創作者自己朗讀

我的處女作竟然榜上有名

念的時候一直不敢抬頭

大大聲傷害別人我從來做不來

返回座位也是目不斜視, 不敢將眼光飄移往課室的左面

下課, 急急腳離開

某某追趕過來, 一臉感恩說謝謝

我的意思被曲解,

祈求放手的主旨變成你千萬不要放手

總結是新詩確是耐人尋味

往後, 每當被誤解便以此笑開來

那天看書, 有這麼一句: sometimes to get what you want the most, you have to do what you want the less

你看不明我在說甚麼?

不要緊, 耐人尋味是新詩的特點, 也是我們寫blog的通行證

相對濕度持續於低位

雙頰乾燥龜裂

我開始日飲八杯水勤力敷mask塗lotion

外在的龜裂似乎更易治療

塗些護膚品即可

若你花得起錢, 做做facial吃些補品

遠比我這種土法煉鋼更快得到成效

如果

乾燥龜裂枯竭的

是你的腦你的心

該用那種面膜才有效?

朋友只是不斷地看書

一本接一本

也不知道看進眼裡記到腦裡的有多少

用文字滋潤自己

總比用頭撞桌子來得好

放兩日假, 活動係訓, 食同望天

o係大球場等葛福臨出場前望天

o係太空館睇完魚樂無窮之後望下個天

同屋企人飲完茶之後望下屋企樓下既天

飲完預科同學仔餐喜酒, 望到德福黑漆漆既天

尖東個天都唔錯, cotti既白桃茶好香, 我又好想R走佢隻杯

仲有做完運動, 彌敦道既天空係霓虹燈既顏色

兩日假, 留o係香港

唔聽電話咩都唔諗

狂睇書狂查字典狂同朋友食飯再同屋企人玩

好滿足

起身之後, 需要兩個鐘頭執返三魂七魄

食完早餐飲完咖啡睇完報紙, 個人仲未醒既話

我會...

睇人地著咩衫

slate既today picture係另一杯咖啡

翻睇再翻睇既兇狠兔仔故事

小小小漫畫

放假係~~

著件tee唔化妝求其紮起頭髮爛"達達"落街飲茶;

拎住本<忽週>夾住舊南瓜餅入定咁望實對面電視播緊既<楝篤狀王>;

訓到點幾起身, 飲完茶買完toner返上屋企, 又再眼訓, 同姐夫各據梳化一方鬥痴呆;

想食麥提莎糯米糍, 但賣晒仲有個幾兩個鐘先會有得食, 於是家人特登o係差唔多時間靜靜雞落街買俾我食;

狂睇<孔雀王>;

飽到死左依然勁食糖水;

睇蘇絲黃蘇民峰肥媽小S再睇蘇絲黃;

放假儀式係熄手提電話36小時;

拎住本<Pride and Prejudice>扮睇, 但揭左幾頁就頂唔順;

反思朋友F教既: learn as if you're going to live forever. Live as if you're going to die tomorrow

然後訓覺

RE 社長~~做完勒, 我睇既已經係最後一場, 可能要明年請做

o係網上睇到呢個遊戲, 好好笑, 照copy過唻

看看你在農村叫什麼名

據說農村給孩子取個賤名會更養活，根據出生月份和日期看看你是什麼吧：

生日中的月份：
1.長 2.栓 3.大 4.來 5.狗 6.守
7.傻 8.福 9屎 10.二 11.胖 12.臭


生日日期：
1.娟 2.妮3.腿 4.娣 5.球 6.坑 7.年 8.歲 9.娃 10.毛
11.剩 12.姑 13.英14.妹 15.肥 16.霞 17.狗 18.虎 19.花 20.鳳
21.定 22.村 23.蛋 24.妞 25.木26.翠 27.愛 28.財 29.石 30.美麗 31.發

若干日前, 我仲嘲笑朋友儲7仔1既叮噹印仔: 儲一世你都儲唔完呀, hahaha~~

若干日後, o係Circle K買左兩本雜誌, 同時發現佢送瑪莉奧文件夾, 全套18隻, 實物超得意

鬼仔Boo同怪獸Goomba係軍團既頭兩位成員

除左雜誌, 有咩方法可以o係Circle K買滿$20呢?

買糖買薯片買蛋糕?

我驚我儲夠其餘16隻既同時, 我會暴漲n倍

於是, 我決定向親愛既朋友們埋手

朋友A: 我最想要金幣喎

我: 咁你其餘o個d俾我丫

朋友A: 但係我都想儲

我:!$R%$&O(&*^%$#

朋友B: 我又要呀

朋友C: 女朋友都想要喎

朋友D: 我會留番夾仔俾你

我決定將瑪莉奧軍團黐o係公司部腦度

關於爛片, 定義到底係點呢?

皇上曾經解釋過咩係爛, 咩係cult,

但我仍然唔明

睇左<神槍手與智多星>, 究竟佢係爛定係cult呢

有我最鐘意既吳鎮宇, 有一堆叫唔出名既大陸(?)演員, 有n世紀前既爛gag, 有被星光熠熠拱照既曾志偉(編緝K懷疑佢被力捧), 有槍林彈雨, 仲有估你唔到既劇情

咁係爛定cult?

戲院不斷傳唻大笑聲(我深信係黃生既笑聲), 但係我睇到訓著左

唔明唔明唔明

或者我唔明既唔只係睇戲?

作者吳趼人

晚清譴責小說

寫官場弊病

人性醜惡

亂世種種

它是我生日禮物清單的一員

星期五, 細佬生日, 難得呢位極度唔黐家既細佬會開口話生日想同我地食飯

媽媽整九大盏, 家姐姐夫唔開OT神咁早浦頭, 妹妹走去買蛋糕

飲飽食醉再食蛋糕

竟然係傳說中既黑森林, 我之前order想食o個個杧果脆脆去左邊??

究竟妹妹知唔知我地一屋幾多人?

我懷疑個蛋糕係俾12人以上食架bor

生日會後3日, 個蛋糕仲有殘肢留o係雪櫃

妹妹問: 想食杧果脆脆定彈彈蛋糕?

我話: 唔駛勒, 個黑森林已經等同我未來一年食既蛋糕份量....

------------

放假兩日, 專心o係屋企睇書同搞我個書櫃

完成左大約三分一

其實成件事有d無聊, 但我又覺得有個屬於自己既書櫃係件好型既事

有無興趣整返個?

-------------

blog "ling" blog, 去左睇袁小姐個blog

言辭辛辣, 單睇佢夠膽挑戰香港最大電視台

唔驚俾人趕絕後路都估到佢寫既野唔慌和平得去邊

但比起一眾惺惺作態既人

我更加喜歡呢種直來直往既行事同文字

塔生,

我一早知道你係唔識吠既狗扮兔

所以我從來無諗過你會有兔仔既舉動

講真, 除左你間唔中食下蘿蔔之外

我睇唔出你同我一直以唻被灌輸既兔仔形象有咩相同......

我相信, 兔仔係....

唔會飛撲上人地個身度搶西瓜食

唔會偷飲啤酒

唔會攔住門口唔俾人返工, 因為未餵你食飯

唔會用個鼻頂人叫人地摸你

唔會跟出跟入成隻狗仔咁

兔仔應該有d文靜有d自閉先至o岩

更加唔會自己發狂怒跳然後整斷左指甲, 流．血．

你個養父同養母幫你用紅藥水止血後, 你竟然又大食大喝再企o係雪櫃前等偷野食

呢d唔係兔仔既行為唻架!!!!

今朝起身, 養父send左短訊俾我, 話你整傷隻腳

即刻打俾佢問詳情

愈聽愈覺得, 咩事呢而家?

你竟然係玩到斷指甲而流血...

塔生,

雖然我地仲未決定好唔好因為你斷指甲而帶你去睇醫生

但睇你既活躍程度同泰然自若

應該都無呢個需要架勒

買錯左隻狗扮兔既主人上

p.s. 我記得當日我買既應該係一隻兔仔, 你又記唔記得自己應該係一隻兔仔呢? 或者, 我地唔應該介紹d狗朋友俾你識, 搞到你變左做隻狗

p.s.2 下次玩得靜d, 唔好再整傷, 好唔好?

打左幾十篇日誌/ 隨想/ 無聊話/ xx/ yy之後,

突然醒起, 呢度既heading係"靚人靚事靚分享",

我係咪唔應該當呢度係另一個記錄每日茶米油鹽等瑣事既地方呢?

但任何事都無準則既, 係嘛? (已經開始自圓其說)

關於準則, 讀文科既人既感受應該更深,

因為呢科既評分根本就係隨個人喜好,

你可以成份卷有30個剔, 但分數係4分, 而呢份卷既滿分係25分,

呢個係我預科geog quiz同考試既成績 (好彩AL時唔係咁, 到而家我都唔明點解)

又或者, 文學作文滿分50分, 你拎得8分,

一篇一千字既文俾阿文學老師刪減至得番五十字,

你問佢究竟你篇作文有咩問題,

佢答你: 你去考試一定拎F, 因為你根本唔識作文, 除非你另外兩份卷好勁la, 但你又唔係喎

okok, 我諗我係文盲, 所以唔識作文,

同時, 你發現有位將篇"中秋夜"寫到好似尋夢園故仔既同學拎47分喎 (唔知尋夢園係咩? 佢係有夢幻封面既夢幻愛情故事, 即係o個種男主角好靚仔有錢, 女主角同佢一開始勢成水火, 後來又唔知點樣會大團圓結局成為上市公司總裁夫人o個種呢)

到底識作文同文章寫得好既準則o係邊呢?

呢個係一個謎

當時我安慰自己: 大把藝術家都係死左之後先有人識欣賞, 佢地一開始都係受打擊既

因為呢句說話, 我捱過o個年半單單打打加冷言冷語既日子

十個人有九個同我講: 天蠍座既人好記仇架!!

我每次都否認, 但惟獨係呢件事呢位先生

我承認我係會記佢成世

甚至係AL放榜o個日我曾經諗過用張result幫佢捽眼, 等佢睇野可以清楚d

因為佢竟然同我講: 我一直都話你得架, 特別係你d作文

多謝晒!!!

新仇舊恨再唻, 係因為預科同學結婚

老師將係座上客

同學話俾老師知我會出現

佢話: 哦, 文學考得好好o個個嘛, 我記得, 我一直都覺得佢唔差

同學轉述: 佢唔記得你作文得10分喎

我話: 係8分, 你俾多左2分我

放假或者外遊, 我都會將電話有心地留o係屋企

但返工既日子, 當然唔敢做呢樣野la

偶發性大頭蝦

今日竟然唔記得帶電話

成件事既序幕就由我o係中環街頭狂搵電話亭開始

再由狂問人有無攝影師既電話號碼展開

好彩, 我記得蔡JJ既電話

好好彩, 蔡JJ今日竟然咁早起左身可以俾陳寶寶既電話我

好好好彩, 陳寶寶又聽到電話響

好好好好彩, 陳寶寶有攝影師既電話

更加好彩既係, 我o係神沙用完之前搵到我要搵既人

唔好以為故事咁快落幕

繼續發展落去係我今日要做電話訪問

於是打俾受訪者個助手, 話佢知我無帶電話, 受訪者得閒既話可以打我直線

順便問助手大約會幾點打唻呢

助手: 5點前, 好嘛?

當時時間係兩點半

於是, 我唔敢離開我個位

忍唔住去廁所都係好快就返唻

驚死佢會o係o個幾分鐘打唻 (你睇下佢既電話對我唻講何其重要!!)

終於, 直線o係四點四十八分響

完成左個訪問

妹妹問: 如果你有帶手提電話, 咁你會點?

帶埋個電話入廁所law

妹妹又問: 咁你去緊廁所佢打唻, 你係咪會聽呀?

唔會, 但起碼我知道佢打唻, 可以覆番電話俾佢丫

個人覺得無電話日既重點o係後面~~

夜晚返到屋企, 家人投訴: 你個電話嘈到我想扔落街!!!

因為,

我有18個miss call

7個短訊

5個voice mail

突然覺得自己係運籌帷幄既生意人

一日幾百萬上落, 所以有咁多電話 (可能佢地根本唔駛聽電話, 因為有PA幫佢地搞掂晒)

覆返電話俾朋友, 無人信我係唔小心漏低電話之餘, 仲要被話: 唔好成日唔帶電話出街la

我個record係咪真係咁差呀

保齡, 保齡, 男女喜愛玩球

對上一次玩保齡係一年前既事

而且, 我根本就唔識玩保齡

好彩, 今次分組比賽, 我唔係成績最差o個個 (最差係邊個?? 嘻嘻, 我要保護返當事人既私隱既)

仲順利贏得以下獎品~~下午茶1餐, 薯片1包, 檸檬茶1枝, lunch k 1次...不過輸左餐茶軒添

有人職業病上身, 拎住部機由板長影到去保齡球場

同行者已經唔想再理快門聲同不時出現既相機, 呈放棄態度

繼續成為全場最嘈既兩條lane

真係好嘈好嘈, 仲要應攝影師要求做騎呢pose

擺晒少女pose出唻, 究竟想點呢

<--留意個波既位置

$25一局, 打到散場, 個個都話隻手同腳累都想死

而且為左一包薯片或雪糕, 我地真係好俾心機

期待不日舉行既保齡球活動part 2

剛看到的小故事

普羅米修斯創造了人，又在他們每人的頸上掛了兩個袋，一個裝別人的缺點，另一個裝自己的。

他把那個裝別人缺點的口袋放在人的胸前，另一個則掛在背後。

因此人們總是能夠很快地看見別人的缺點，而自己的卻總看不見。(<伊索寓言．兩隻口袋>)

細個既時候睇伊索寓言, 記得既只有貪心既狗

笑佢衰貪心最後一無所有, 自作自受

我無諗過要水入面既骨頭

但係不自覺咁掛左兩個袋

當然, 我從來無改動過普羅米修斯放袋既順序

甚至沾沾自喜添

或者, 你都係

不過, 我又發現頸前面個袋負磅愈唻愈重

個頭就愈dup愈低, 就唻斷頸

係時候清一清個袋

你, 又需唔需要呢?

-------------------- 

今日睇睇下稿, 突然覺得要懺悔

對象係過往我取笑過唔識擺pose既artist同pose生硬既model

我終於明白你地既苦況