<Uglies> by Scott Westerfeld

Eva媽媽話我一日睇一本書

咁梗係唔得la, 本書咁厚, 睇左3, 4日架勒

故事講未來世界, 任何人只要滿16歲就要去整容做美人, 咁樣大家就唔會因為容貌而分高低. 主角一心等做手術, 點知陰差陽錯, 發現一d不可告人既秘密

孟子講世界大同

人人物資分配平均就唔會有戰爭

如果大家都係美人, 應該唔會有歧視

再加埋個性溫順, 就更唔會有爭執

呢個簡直係烏托邦

但原來人人一式一樣似倒模

就會一成不變無進步

只靠小數人去統治去話事

紛爭會唔會真係少d?

故仔有d似<matrix>

當科技去到一個人類控制唔到既地步

人就會被反噬

然後抉擇出現

你要幸福快樂既假象, 定係艱辛既真實?

破壞現有既虛假

又係咪一件好事呢?

呢個幾禮拜, 見到各方好友都會對住佢地喃喃自語

好想睇the mist, the mist, the mist

如果霧係片中一班角色既夢魘

我不斷提住既the mist, 亦成為身邊朋友既惡夢

氣氛營造同驚嚇位比<1408>更強

睇到中段先知原來係講人生的意義

恐懼之下人人有唔同做法

有人拼死要去搵自己既仔女

有人科學角度行先

有人由瘋婦變成靈魂救贖既人

被困一室, 人性展現

好真實好心up, 比怪獸來襲更加嚇人

hero is known in the time of misfortune

於是, 又有人被推做leader

成為帶領眾人過紅海既摩西

責任加身, 有d決定刻下係最好

30秒之後, 出現早知xx, 就唔yyy既諗法

到最尾都仲係講緊人性

兼美國政府係最強最叻最勁既!!美國萬歲!!yeah!!

返屋企途中, 一直諗

如果真係有怪獸

我被困新世紀廣場

咁我會自殺定拼死搵救兵還是等運到

朋友話我可能會走出去偷影怪獸!!

when there're two people in a room, they'll have different idea, that why we have politic and religion

對話環節

PART 1

A: 你睇Stephen King既書咩?

B: 唔係呀

A: 咁做咩睇呢套戲

B: 因為有怪獸

A: 你有無走去睇<哥斯拉>?

B: 有線重播我會睇

PART 2

C: 齣戲講咩架

B: 唔知

C: 咁你又話要睇? 科幻片唻架

B: Trailer d怪獸好型

C: 咁你係咪會睇公元前10000年

B: 我唔鐘意長毛象!同埋長毛象唔係怪獸

PART 3

A: 佢拎住把槍呀! 熄燈la! 燒得好嚴重呀! (下刪一千字全場有眼既人都睇到既野)

C: 用成3分鐘講人性. 我都估到個結局. d人徬徨時就會有宗教. (下刪一千字腦筋急轉彎影評)

散場

B: 我以後都唔會同你地睇戲

A: 我驚你睇唔清楚

C: 我講D野好make sense架喎

B: 唔該晒, 但我想開槍殺死你兩個!!!!

PART 4

A: 又話齣戲好驚既, 都唔係

C: 要睇人性同恐懼, 不如睇<Cube>la, 呢齣爭d喎

B: 我無話過齣戲會驚, <Cube>都唔同....我諗住睇怪獸jar ma!!

 

其實對話中仲有D, 但佢只係負責冷笑, 實際作用不大

如果真係有槍

到最後, A, B, C三個人應該會互相射殺對方, 而D就會幫我地收屍

所以我地要有politic同religion

咁就會忍受到某人因為"怪獸"而睇戲既問題

亦忍受到某人鐘意講影評既壞習慣

 

好睇度: 4粒星 (齣戲有3粒半星, 怪獸加半粒星)

"即使我死了, 也別麻煩其別人"<東京鐵塔>中, 老媽死左同個仔講既說話

8字頭既人係一個奇怪既分界線

我既上庄, 或者大我兩三年既人, 嗰班屬於7字尾既先生女士

永遠覺得8字頭既人嬌生慣養, 任性刁蠻

台灣叫我地呢批人做草莓族

唔跌得唔撞得唔失敗得, 要捧o係手好好照顧, 如果唔係隨時咇d汁出唻嚇親人

8字頭, 都會有異類

基因突變, 士多啤梨皮硬過鐵, 任跌任撞都唔會損傷

50粒入面應該有1粒

慶幸我層皮未至於硬過鐵

但總算緊記唔好太任性

麻煩親人就唔好la

係呀, 唔好麻煩人

特別係一d旁人無可能幫到你既事

所以我無基因突變

最多只係粒盡量唔麻煩人又唔搞到人既士多啤梨

7字頭既人睇8字頭既人唔順眼

其實, 8字頭既人又何嘗唔係睇細我地幾年既人唔順眼?!

緊急徵召

做我恨左好耐但大家都話我一定坐唔定既野

笑臉迎人聽聽話話乖乖巧巧呢d同平時無咩分別 (我自覺係咁)

執茶遞水做data entry沖下咖啡安撫他人

我又甘之如飴

企足成日10個鐘無得坐被問你唔攰既咩

我話平時返工都差唔多

今日腳攰平時手攰轉左少少咁law

事發前已聽聞有人好bitchy小心為上

今日唔知係咪某人攰得濟我覺得都唔算難應付

完畢o個刻竟然仲同我講好鐘意我 (因為我夠鬧不還口兼係庶務二課之光?!)

實情係我已經忙到就死, bitchy小姐不斷哦我, 而我仲笑住話唔好意思麻煩你等多陣 (可能佢以為我精神有問題, 於是驚話憎我會刺激我病發)

成日我講得最多既係

1. 好, 我明白

2. ok, 無問題

3. 知道, 我而家去做

4. 唔好意思, 我即刻去xxx

講以上說話依然笑面迎人

係呢排睇日劇睇得多既特訓成果 (其實都無咩關係)

有人脾氣暴躁有人踩場有人發癲有人搵人唻鬧有人因為攰心情唔好要人祭旗

我總算見識過又係受晒上述奇異事件既一位

反正我係稱職既打雜秘書 (仲係半義工究竟有無人知道!!)

一個人搬一箱60份重到對手會斷既brochuer, 落樓上樓再落樓

辛苦過做gym

終於被問: 究竟你平時係做咩架?

影相揹8對鞋12套衫再加飾物都係咁, 我受過長期訓練

 

題外話, 返到屋企先發現手臂同腳都有數撻瘀

究竟我今日係咪做苦力?

我相信庶務二課既大門已經為我打開

 

re Ada, 禮拜五晚同一位置我見到人扮魚, 唔知係咪同一個家族

銅鑼灣, 人來人往,

應該會發生唔同既故事

例如遇上他或者她

而我, o係18號遇到佢

朝頭早喺嘉蘭中心離開, 見到佢, 心情忐忑

最後係唔敢認識佢, 以為就咁錯失機會

後悔左一個下晝

哀歎點解自己唔大膽d或者勇敢d

4個鐘頭後, 估唔到

我再喺金百利對出既馬路同佢相遇

開心到

即刻拎大黑出唻影相<--不過隔左條馬路

係呀, 就係佢

你有無見過咁大條粟米?

朋友問做咩唔同佢合照呢

因為放大左既粟米粒粒, 其實有d嚇人

而我係比較膽小既人

而且有d事情, 都係睇唔清楚有d距離先係最靚

唔知繼粟米後, 仲會有咩食物呢?

青椒矮瓜金菇菜我都啱

好想組成一隊蔬菜軍團既相!!

我係睡寶寶

最高記錄係狂訓31個鐘

訓到同房以為我昏迷

不時走唻搖下我睇下我有無知覺 (仲探探鼻息)

當年...

每晚12點前我要訓覺, 否則會語無論次

唔訓足12個鐘, 我會呆呆濟

無得訓覺, 又會扭眼訓計

完全係小朋友既行徑

後來, 日訓7個鐘, 我已經感恩

再後來, 我發現2x歲前既自己應該係睡公主

狂訓狂訓狂訓

無王子深情一吻, 但時間到, 都要起身

睡公主變做灰姑娘 (仲係無人送我玻璃鞋添)

狂做狂做狂做

到今日...

我發現自己一直算錯左自己既前世

我既上一世

應該係一隻冬眠動物

而且影響過大

牽連埋今世

天氣一涷

要匿埋o係被竇

唔食唔郁訓十幾個鐘

每朝想起身, 對眼都黐實左

除左我係冬眠動物, 我諗唔到其他原因解釋呢個現象

除非有人o係我訓著時偷偷搽膠水黐住我對眼

所以...

我既前世同今生都係冬眠類動物

搵過晒所有圖鑑

最得意都係刺蝟

佢應該係我既前世

公司會唔會立例保護冬眠同事

例如天氣過冷就俾佢地訓覺唔駛返工

以免影響佢地既習慣??

 

觸發點係前前同事S遺留落唻既兩大箱XX (未執之前完全唔知佢地係咩)

第一步, 問嘈寶寶可唔可以幫手拎佢地出唻

兩人爬上同事E既桌, 離遠搬出兩個紙箱

嘈小姐忽發奇想...不如執埋呢度la (簡直係一時衝動)

第二步, 大掃除展開

第三步, fashion組既大掃除似乎波及埋遠方既其他同事

第四步, 公司大掃除正式開始

執執復執執

n年前既雜誌, props, 衫同鞋

以史前物件既封塵姿態出現

化身清潔姐姐既兩人愈執愈身痕 (真係成身痕, o個度應該有蚤)

好想搵番數位當事人番唻加入執公司大行動

而各人既一堆剩餘物資獲得散貨既命運

pr送既過年聖誕情人etc小禮物再加歷年既press release, 數量可觀......

有人提議去柴灣地鐵站擺檔 (就算$10件貨, 我地應該都可以過肥年, 好心動)

幾經艱辛, 終於執好兩個位

o個兩個由搬唻公司既第一日我就未見過地下同枱面既位

佢成為新景點

行過既攝影師, 記者, cs大叫, "嘩, 原來呢度係咁架" (究竟大家之前覺得佢係點呢? 一塊以衫同press release鋪成既地下?!)

想參觀既話記得趁早勒

因為根據婆婆C既收藏垃圾行為, 佢應該好快會回復原狀

Before的廢墟, 清潔姐姐甲後悔緊點解會提出執好呢個位, 至於after相, 請各位稍移玉步親身參觀, 覺得我地執得好既, 麻煩留番幾襾感嘆或讚美, 多謝

四點三, 天未光要起身

出發耕田去, 我係勤力既農夫

所以數十聲儲足勇氣就要掀開張被, 是日氣溫11度

而我既耕田裝束係1條飄逸浪漫半雪紡半紗不能擋風吊帶裙

it's miracle

著左毛毛褸著多件羽絨但係對腳依然涷冰冰

.

疾走7仔買野, 嬸嬸甲同嬸嬸乙問我今日咁涷買冰做乜野

因為我地其中一個環節係歡樂滿東華之腳趾雪~~o雪~~o雪

裙拉褲甩風雨中搵的士, 我開始明白民工既無奈

司機叔叔架車每到燈位都要死死火, 重新扭車匙再開車

已經遲緊到既小女子好驚地主會話永不錄用

又或者要中途落車行條長命斜去田度

天未光, 燈位前, 司機叔叔"tar"車中

.

終於到左地主屋企, 首要任務係破冰

先用鎚再用螺絲批然後用手, 十隻手指好似搽左胭脂咁紅噹噹, 好鬼靚

叮噹門鐘響, 新郎兄弟姊妹齊齊扮精神

miracle again

低溫下冰水中腳趾了乒乓波果真係歡樂滿東華 (途中有人話涷到腳趾抽筋, 善款數字立即急升)

.

12條雪條o係無遮無掩食風停車場落車再行老遠去新郎屋企

"我地既愛情無懼風雨"可以拍一個廣告

患難見真情, 好彩新娘預先派發溫派先生1個貼o係身

我愛你, 溫派先生, 因為我地已經有肌膚之親

而你努力發熱, 雖然受惠地方只係得我個肚

10點鐘, 麥記早餐送來溫暖一刻

又再鼓起勇氣奪門而出

.

混亂事件一浪接一浪

大雨大風低溫襲人, 香港公園根本影唔到相

數位農夫遵照兩位地主要求努力去撈魚, sorry, 係去約定影相地方撈番地主既親朋好友同事學生同學等等一干者眾

難度1, 無遮...難度2, 農夫們根本唔知道地主要搵既人係咩樣...難度3, 亦都唔知人數係多少

而作為女農夫既小女子只須陪伴新娘子側邊安慰佢開解佢即可

奈何, 我上唔到主車, 亦都上唔到另一架花車

因為車匙o係化身撈魚專家既農夫身上

於是同一時間, 我扮緊鳯仙雪條 (點解係鳳仙? 因為要配番我條裙隻色, 其實楊枝金露雪條都得既)

15分鐘後農夫們完成任務, 將各位先生女士安置上車出發去另一地點補影相

我不禁為各神勇農夫熱烈鼓掌, 勁~~

簡直係miracle x 3

.

食風文化中心安排眾人影相

充當執衫小姐歡樂小姐遮架小姐影相小姐一人身兼多職

當然仲有其他農夫們幫手

但大家既手都唔可以離開褸袋超過1分鐘

否則, 手指僵硬會襟唔到影相掣

於是上述工作係shift duty

有人要挑戰極限

最終係話手指無左知覺 (好慘但抵死)

惟有繼續安慰新娘, 你地既愛情可歌可泣天地動容, 於是橫風橫雨唻助慶

如果溫派先生係愛人, 羽絨小姐就係知己好友, 佢陪左我一日. 有農夫叫我除左件褸影相, 話咁樣會靚d, 但我呢一刻好理智咁話我要命唔要靚, 同時識穿農夫想用我件褸取暖

.

嘈寶寶, 我話以屎既狀態出席婚禮

果然如願以償

因為全場各雪條/ 農夫/ 漁夫/ 遮架根本無人有時間去整頭補妝

於是大家甩妝既甩妝, 頭髮散既頭髮散, 條眼得番一條線既扮自己係細眼人, hang緊機既扮自己冥想緊

何其有團隊性既一班人

.

有態度化妝師要求一絲不苟

轉妝轉頭所需時間令人焦躁

一行人企o係新娘房門口等佢等到發吽逗

每隔3分鐘各人輪流入房扮拎野

第5個人入去既時候, 化妝師終於決定求求其其算數

2分半鐘後搞掂個妝同頭 (同時覺得我地用開既make up果然係工廠出身, 快手快腳)

.

終於埋位食飯, 但一坐低就發現廿級眼訓

hang機然後熄機, 各人惟有繼續嘈嘈閉 (仲俾人問我係咪做開pr或者sales, 點解可以咁social, 因為我一停咀就會熄機law)

乳豬後蟹箝前延續今日玩左成日既低能無聊IQ題

諸如, 小明同隻馬賽跑, 點解小明會跑贏隻馬呢?

答案: 因為小明真係跑得好快

等等發人深省之問題, 令大家精神為之一振兼想打發問者

.

新娘換衫影相再換衫影相

咦...小姐先生弟弟, 你地好似每套衫都影過相勒bor??

係呀係呀, 台上兩位係景點, 俾左$800入場費, 更係影盡佢la

哦, 原來係咁, 但係我地準備既遊戲節目會受阻延玩唔到架

咁我俾左入場費而家點算先

okok你繼續影, 紙板新娘新郎唻個燦爛笑容唔准停唔該

.

執衫打點一切, 照鏡發現自己眼袋同眼一樣大, 眼圈同眼珠一樣色, 咀唇同塊面一樣白

我果然係屎既狀態

辛苦晒辛苦晒

我地今日係勤勞既農夫, 被呼喝既丫環奴僕, 擔擔抬抬既大力士, 控制人流既部隊, 仲有歡樂小姐同先生

原來呢個節目唔只去耕田, 根本係鐵人賽

訓兩個鐘, 踩21粒鐘

係最大既miracle

.

還望新郎新娘念在背後一班農夫辛辛苦苦

咁就百年好合永結同心當酬勞

某日, 老豆突然同我講秘密

佢話:你呢世人都好好運 (你又知, 你同我算過命?)

而我, 確實相信佢

於是走左去買六合彩 (頭奬有二千四百幾萬)

但係我無中到

我諗我既好運用晒係識好人身上

.

朋友兔照顧左我多年

除左我老豆媽咪屋企人之外

佢睇實我等我完全跳過反叛青春期

無穿無爛生生性性長大成人

.

中一o個年坐o係朋友兔隔離

英文老師要我地講自己既英文名

某同學話自己叫vampire(??)

吓但係我無英文名呢個名應該好重要

fiona, alice, cathy, amy, ann, susan定mary

諗唻諗去同我個人或性格都完全唔夾

不如叫bowie (因為我諗起林保怡)

o個刻識左3分鐘既朋友兔制止我再用極速送左個英文名俾我

呢個名沿用左多年印埋落身份證

(但查實我中一至中五除左老師根本無人叫我英文名)

又因為呢個名竟然同高材生做左朋友

.

朋友兔中一已經同我講佢想做xx

而我為左證明自己都好有大志

於是發下宏願要做老師

好彩我回頭是岸最終無荼毒小孩

但朋友兔確實成為我眼中好叻既xx

交既稅等於我n個月既薪金

.

考全班頭幾名同全班尾幾名既學生

o係老師眼中應該係好學生同壞學生既組合

但朋友兔同我講因為你早人地一年讀書所以腦部發育遲d

我竟然又信

自此心安理得接受自己成績差人一截既現實

一個人天真一定因為身邊有幫兇

我既幫兇係呢位話俾我聽彩虹下面有寶藏既朋友

話完俾我聽之後仲會走去埋寶藏等我更加堅信童話

.

14, 5歲最易變壞

但當你屋企同學校都有個阿媽看住你

根本無變壞既機會

我要多謝呢位學校既阿媽

.

但係脾氣爆燥即使有人睇住都改唔到

咁多年唻鬧過大大小小不下百次既交

朋友兔被我磨練到愈唻愈好脾氣

最後每次都係得我一個人發晦氣 (應該每個同我交往得耐既朋友都會被我訓練出好脾氣, 當1個人臭脾氣到極點, 你就會知道不宜硬碰硬, 惟有自己變得溫馴d, 修心養性)

一直奇怪鬧極都未絕交

又真係有人頂得順我既大脾氣

相信肥仔男友會好幸福, 因為老婆唔會同佢鬧交

佢應該要多謝我訓練左朋友兔n年

.

失戀苦戀喊完又喊

為愛情嘈嘈閉既人最乞人憎

好彩有人永遠俾我發癲o徒電話費唔會鬧我無聊

.

某段黑暗時期

日日怨天怨地睇野得番黑同白

自己都討厭自己既時候

慶幸有人拉我一把

陪我玩陪我癲就係等我復原

但明明自己功課考試多到癲

唔似得我呢d全校最hea學系最hea學生可以咩都唔理

清醒之後好擔心朋友兔因為我畢唔到業咁點算好

.

睇<追風箏的小孩>諗起朋友兔

為了你走千遍萬遍都可以

每次我闖完禍

朋友兔由得我嚎哭完

再陪我一齊搵解決方法

唔駛追風箏去證明

我都知後面一定有人撐住我

於是點樣跌點樣撞損手腳都唔驚

.

朋友兔話要同肥仔男友安定

我剩係識拎住個電話發出無意義既嘩嘩嘩

30秒後先記起要恭喜人

知你得閒無事會睇下呢個blog

所以點都一定要再講多聲

恭喜你

同埋辛苦你一直照顧我

細細個, 見到讀書叻既朋友仔帶眼鏡

覺得帶眼鏡=聰明=我帶眼鏡=成績會進步 (究竟係咩理論)

於是, 努力睇電視訓o係床睇書做盡一切傷眼行為

努力左5,6年之後

終於成功帶眼鏡 (無比毅力簡直要再三鼓掌)

劉華話老天愛笨小孩

所以笨小孩講既野都會成真

觀乎我童年既無限童真

都知我何其得老天寵愛

當病左咁多個禮拜再加面青口唇白

贏盡(??)所有近親遠方朋友pr陌生人既慰問時

我開始苦思

笨小孩係咪早排曾經某日試過童言無忌話想扮西施??

捧住個心皺埋道眉弱不禁風o個隻

我．．．有無曾幾何時飲大左話想做病人

應該無gra

口賤友人話: 你只會係1位成功既東施

ok, 咁你由得我做東施la

大大隻老虎打死幾隻身壯力健o個隻丫, 唔該

蘊釀一星期的喉嚨痛狂咳和流鼻水, 成功從輕微感冒, 進化成鼻竇炎

醫生說時還一副抵你死之貌, 我懷疑他心想: 這次開瀉藥給你, 你也要吃畢整個療程

擅自將1日4次的藥改為臨睡前吃, 是我的失職 (對勇戰感冒菌的失職)

但稍為放寬你的開藥限制, 便給我數顆安眠藥(!!)的醫生也難辭其咎

由踏入診所一刻都拿藥離開

我被醫生護士提著耳朵說了不下5次: 今次一定一定要跟足指示吃藥

好好好, 我是很乖的小朋友

4個小時吃3粒藥, 8個小時吃4粒藥, 臨睡前又吃顆安眠藥, 這樣的行為我會乖乖做妥

上網查看鼻竇炎的資料

我相信自己應撥歸為急性的一類, 即是吃了一個療程便會斷尾的幸福小孩 (別跟我說會翻發, 我會殺人)

醫生另一叮嚀: 吃完這個療程, 看情況如何, 再來見見我吧

醫生, 我四天見你兩次, 四百大元就此飛走了, 還要再見?

今天讀報, 我與他如斯頻密的互動, 會否令他誤會自己是屯門靚仔醫生?!

吃畢安眠藥, 早上醒來有如清晨五時半便要下田的農夫, 極艱巨

我要用1分鐘喚回四肢, 再用1分半鐘睜開雙眼

然後抱著很重很重的頭下床

改於臨睡前吃的安眠藥, 送我一個渾沌的早晨

最近，日本出現一個有趣的新族群──文化系女子。

　　日本的男性瘋狂地「萌」（日文中的「萌」，指的是很喜愛的事物的意思） 文化系女子，文化系女子其實算是女御宅族裡的一類，因為喜歡藝術、閱讀、電 影、戲劇等的文藝嗜好，知性清新，思想獨立，讓很多日本男性「萌」到受不了。

　　日本《Eureka》雜誌，最先出現「文化系女子」這個名詞，該雜誌的 文化系女子特集，甚至還引起日本廣泛討論。雜誌中所提出的「文化系女子」是指喜歡閱讀、電影、藝術等文化事物的女性，該雜誌還特別設計檢驗文化系女子的20項特徵，如果符合15項就算是文化系女子：

　　1.喜歡看書
　　2.喜歡看電影和看美術展
　　3.喜歡從事寫文章、畫畫等創作活動
　　4.每天寫日記
　　5.喜歡獨自一個人
　　6.覺得沒有朋友也沒什麼不好
　　7.不想生小孩
　　8.喜歡散步
　　9.對戶外活動、運動等不擅長
　　10.有戴眼鏡
　　11.對於流行不感興趣（比較喜歡老東西）
　　12.比起長生不老比較想早點死
　　13.曾想尋死過
　　14.有妄想的癖好
　　15.曾在不知名的車站下車過
　　16.喜歡腦筋好的男生
　　17.討厭好萊塢
　　18.四季中最討厭夏天
　　19.有跟大自己10歲以上的男生交往過
　　20.不太穿膚色的絲襪

　　根據台灣日本綜合研究所的觀察報告，認為文化系女子其實就是不折不扣的 女「御宅族」，但為什麼會受男性歡迎，最主要原因就在於男性主觀認定。日本是個物欲消費社會，而文化系女子因為有不同於拜金女購物的興趣，讓男性覺得知性優雅有氣質，尤其同樣是文化系的男性很喜歡和文化系女子心靈溝通，覺得比較容易親近或是容易有相同的話題。

 

20點入面, 我中左18點

如果學好日文, 又搬去日本住

我諗我會極受日本男性既歡迎

D:開左XX紙俾你, 好嘛?

我: 吓?

D: 訓覺紙呀!

D: 你之前話要病假紙都無用, 出訓覺紙俾你會唔會啱用D?

我: 唔駛勒, 唔該

D: 真係唔駛? 訓覺喎

(訓覺紙到底係咩?你係咪想O係張紙度寫我因病需要訓覺兩天??)

XXXXXX

D: D藥有D眼訓架

我: 好

D(心諗今次咁順攤): 你真係唔要訓覺紙

我: 唔要(夠未呀你)

 

D係我既醫生, 風趣幽默, 不斷遊說我拎訓覺紙(!)

醫生

我覺得你D藥唔係有D眼訓

佢地根本係安眠藥

搞到我企O係地鐵入面--訓, 剪頭髮--訓, 等車--訓

所以我擅自將1日4次既藥

改做1日1次

臨訓前食

XXXXXXXXXXXXXXXXXXXX

某日我手拿好心同事借俾我既碟檢閱

<四百擊>係我話想睇既

另外一隻杜魯福係同事覺得我會鐘意睇既

然後....

我: 呢隻咩唻架

C: 肯定你會鐘意既野

我: 吓, 我係氣質少女, 你俾D咁既野我?!

C: 係呀, 所以咪睇呢D LAW

C: 要唔要?

我: 要

O個隻唔係咸碟, 係<異獸變>, 又名<MOSQUITOMAN>

即係O個D受幅射特變

由人變左做血肉模糊既巨蚊, 同時大開殺戒

一手將人地個腦劈開一半

再吸乾受害者D血O個種血腥怪獸片

究竟我鐘意睇怪獸既形象係咪咁深入民心??

XXXXXXX

S1: 佢地要用WASABI刷到棚牙都係綠色

S2: 再食江蘇餅, 漿住個口, 然後講一大段野

S3: 呃佢地話有水飲, 但係熱茶唻既

S4: 唔准直接用口飲, 要用珍珠奶茶既飲筒飲

S5: 插完隻腳落冰水度, 用包住冰既地布俾佢地抺腳

(下刪數百字)

狀似虐待犯人既惡行

其實係朋友結婚時將會用唻對付新郎同兄弟既內容

查實我地無咩新仇舊恨

相煎何太急呢, 施主

絕少絕少聽外國歌

我只係canton pop同國語歌既支持者

仲要聽唻聽去都係o個幾首

ipod十年唔update一次o個隻

機緣收到Shayne Ward mini concert既飛

皇上話佢係深情歌手(王子?)

飛上面既樣確係配合呢個名

對眼識講野咁, 正

現實中漲爆左既Shayne令我又一次想歌頌Photoshop既功績

(皇上, 記住話俾我聽Shayne點答你條做gym問題)

concert內人人盡情尖叫

Shayne未出場就開始嗌

尖叫聲不斷, 愈唻愈大聲既一刻

拎住漏氣棒棒既我

望到前面千人空巷

好想走去扑傻瓜

後來, 我發現

其實我都識唱Shayne既歌

MTV台怒播既歌, 原來係No Promises

但係點解我連Breathless都識唱??

同行友人發現Shayne既fans以青春少艾同ABC佔大多數

皇上話可能因為佢既歌詞太直接

例如~~

Hey baby, when we are together, doing things that we love.
Everytime you're near I feel like I'm in heaven, feeling high

又或者

You leave me breathless
You're everything good in my life
You leave me breathless
I still can't believe that you're mine

即係簡單直接講我愛你

朋友力讚佢既假音比得上Mika(!!)

而我只係覺得九展所有hall都係謀殺場所

即使你係歌王歌后

但o係star hall或九展任何一個豆腐潤場

都足以殘殺你既歌藝

音響差, 燈光怪怪

所有野打左7折

點解之前小男人週記仲要o係呢度上演

簡直係一個謎

 

到最後, 我先記起Shayne就係近排o係izzue廣告見到既人

後知後覺

朋友話Shayne同izzue完全唔夾

情況等同李嘉欣x Vanilla Suite

又或者Shayne x 大快活

甚至係Lisa姐 x Mercibeaucoup,

當皮膚質素由peak直插valley

仲要o係谷底搵路想再落d落d(你係咪想去ocena trench??)

難受程度絕對係爆燈

話說有咁耐風流, 就有咁耐......

於是,

報應出現

1/ 皮膚敏感

2/ 面部泛紅 (我唔係心跳加速面紅紅, 而係乾到面紅紅)

3/ 生粒粒 (就算model努力幫我搵其他藉口, 我諗我始終要面對現實, 我生粒粒, 好青春)

4/ 因為塊面乾, 上唔到妝

然後

補救方法產生

1個月內

1/ 換兩隻洗面產品

2/ 買新粉底

3/ 狂買mask

4/ 轉eye cream

5/ 爭d買左千幾蚊1個月份量既collagen, 最後用1/8價錢買差少少既野

6/ 早睡早起勤做運動努力1日1水果1杯紅棗水

7/ 買新lotion, toner

我既人工

奉獻晒o係我塊面度

o個塊我一直由得佢天生天養既面

08年, 新願望

可以o係谷底一步一步爬返上山腰

吾願足矣

43萬既日本一,

某報記者形容吃後齒頰留香, 滋味無窮......

我只係覺得有油有筋無魚味

旁邊既三文魚竟然比佢更肥美

懷念當年某片吞拿魚腩

入口即融仲有魚油咇出唻

o個刻我決定要搵好多好多好多錢

從此可以唔駛睇價錢食正野

個人感覺佢係比日本一更好味

----

期望愈大未必失望愈大

炮台山麵飽蟹同翡翠螺都好好食

鮮味又多蟹膏

不枉我捱涷坐路邊

第二次飯局

飯友習慣同行兩女子食量驚人

對於放滿枱既野食再次以狂風掃落葉之姿食晒

唔再覺得驚訝

各科學家唔需要再尋尋覓覓

黑洞就處身o係我地兩人既肚內

下次目標~~鰂魚涌青口(定係蠔??)

------

影評大讚好睇既<破事兒>

未至於彭浩翔返唻

但總算見返佢個影

唔駛錢既戲, 我會俾高d分

一定高過<異獸戰>

唔, 有7分

我都想做大頭阿慧

可惜, 我永遠只係佢個fd

o係隔離眼啤啤o個個

沉迷打機, 算唔算電車女?

放工返屋企夜媽媽, 沖完涼繼續拎住部nds督督督

阿媽覺得我似頹廢青年

但我堅持賤兔同雷頓教授係近排既賣飛佛

兔仔超樣衰, 好想星佢兩巴, 但又似足我至愛既阿闊

我懷疑呢隻game既目的只有1個--

令到你隻手抽筋

instruction guide大部分都係叫你跟住箭咀畫

總之就係要快快快

最最無聊又得我歡心既係某個要對住mic狂叫既game

遊戲背景係戲院內, 賤兔講電話, 你愈叫得嘈同長氣, 個power就愈高

到戲院職員入唻檢查時, 你就要收聲兼狂督其他對手

屈佢地講電話

好賤格無聊低能兼嘈, 每次玩都會惹唻家人既鄙視

但又有舒筋活絡發洩情緒既功效

呢隻game既另一重點係你可以極力醜化本來已經樣樣衰衰既賤兔

例如幫佢加個師奶髮卷或者著套水手衫

好開心

一直好憎玩RPG, 連帶o個d類似既故仔game都極抗拒

又要行又要搵線索仲要周圍督督督搵hints

好煩好煩

如果加埋解謎既話, 更加想死

雷頓教授集以上優點(?)於一身

奇跡地我竟然會玩

又離奇地覺得好好玩

故事情節話雷頓同徒弟仔受託去小鎮查寶物, 點知委託人被殺, 令成件事更困難

師徒兩人o係查寶物時, 又發現呢個小鎮有不可告人既秘密

仲有個神秘又危險兼入唔到去既高塔

似打緊機又似睇緊偵探故事

大量智力遊戲訓練你腦筋急轉彎

我玩到入去高塔勒, 對於寶物係咩樣無乜興趣

反而好緊張劇情發展係點

 

**我部機成日俾我狂督, 會唔會好快壞??

我, 唔係基督教或天主教徒

但係, 我會去葛福臨報道會, 會低頭祈禱 (?), 仲會唱詩歌(??)<--但我永遠唔會識ｄ音點唱

朋友受浸, 佢話呢個係佢地既重要儀式, 比得上結婚既大事

於是, 我八點鐘起身, 九點半出到旺角, 就係為左睇佢行禮(佢話唔係叫行禮, 但係我唔理)

結果...識路既朋友仔唔知醒, 失左蹤

同時我個電話面臨無電既危機, 又搵唔到主人家<--o個一刻, 我好想返屋企, 但驚俾人咀咒至09年

排除萬難 (有幾難呢又), 打的去到行禮(!!)既地方

我發現

我無帶銀包, coins bag只有$7

準備行禮既人收到求救訊號即刻著住件袍衝落唻幫我俾錢

又因為禮堂爆晒

於是o個兩粒鐘...我係房仔入面對住部時大時細聲, 又會有鬼影, 同去到最後15分鐘一片雪花既電視機睇行禮(!!), 仲唱普世歡騰<--佢係我惟一識唱既詩歌

額外收錄, 睇到浸禮既水池

嘩~~原來係咁

八卦既人有唔少, 成班人一齊裝個水池<--唔好意思, 我地係大鄉里

朋友既人生一大重事完成左

我餓到抽筋既胃亦都可以食野

勝利小廚既海南雞飯, d雞超滑, 我唔識分佢係雪藏雞定新鮮雞, 但雞味好濃, 黃油飯都好香, 就算唔加任何醬料都好夠味

good good

很久以前, 我還是懵懂時,

要寫首新詩,

那是客席教授開出的作業,

她用兩堂時間講解新詩的歷史與特點, 還有賞析大會, 一堆意象隱喻和符號, 弄得我頭昏

我們有一星期的時間寫詩, 題材任定

我最怕這種自由創作的遊戲, 因為我沒創意

用5分鐘寫了首不通的新詩, 大意是我累了不想再糾纏

兩星期後, 我還在糾纏, 又是客席教授上課的日子

她抽取佳作, 要創作者自己朗讀

我的處女作竟然榜上有名

念的時候一直不敢抬頭

大大聲傷害別人我從來做不來

返回座位也是目不斜視, 不敢將眼光飄移往課室的左面

下課, 急急腳離開

某某追趕過來, 一臉感恩說謝謝

我的意思被曲解,

祈求放手的主旨變成你千萬不要放手

總結是新詩確是耐人尋味

往後, 每當被誤解便以此笑開來

那天看書, 有這麼一句: sometimes to get what you want the most, you have to do what you want the less

你看不明我在說甚麼?

不要緊, 耐人尋味是新詩的特點, 也是我們寫blog的通行證

相對濕度持續於低位

雙頰乾燥龜裂

我開始日飲八杯水勤力敷mask塗lotion

外在的龜裂似乎更易治療

塗些護膚品即可

若你花得起錢, 做做facial吃些補品

遠比我這種土法煉鋼更快得到成效

如果

乾燥龜裂枯竭的

是你的腦你的心

該用那種面膜才有效?

朋友只是不斷地看書

一本接一本

也不知道看進眼裡記到腦裡的有多少

用文字滋潤自己

總比用頭撞桌子來得好