細個睇叮噹, 最鐘意係一輪"鄧鄧燈登"後, 叮噹用佢隻無手指既圓圓手, o係百寶袋入面拎d新奇儀器出唻
呢個掛o係貓頸既攝影機, 可能係叮噹唔覺意漏低既神奇道具, 話說發明者對於佢隻貓每日離開屋企後, 做左d咩非常有興趣, 於是整左呢舊野出唻
原來貓貓離開家門, 會去偷望隔離屋既貓女, 搵貓友吹下水, 又o係森林撞到條蛇

十足多年前既子貓物語
皇上, 有無興趣訂返個俾miumiu戴住, 睇下你上朝既時候, 佢做左d咩呢?

如果, 我俾塔b戴既話, 應該可以捉到佢每次咬電線咬白色衫同偷野食既罪狀!!

Uniqlo登陸香港時, 聲勢極大, 美麗華店外排長龍, 幾近萬人空巷, 後來, Uniqlo卻漸漸被淡忘
對於香港的Uniqlo, 我最期待既都就係佢同其他designer crossover既傑作, 早排同Philip Lim既交叉相乘, 掛o係衣架上望, cutting ok, 但著上身就即刻出事, 質料又有d怪怪咁, 抱歉我既接受能力唔高, 最後一件都無買到
緊接既期望放o係G.V.G.V.之上, 等等等等等到頸都長, 星期二發現佢返左貨, 有鑑Uniqlo不嬲crossover貨量不多, 諗住第二日即刻去掃貨. 點知拖下拖下到禮拜四, 想去太古城睇睇既時候, 女優風同事話線報告知, 呢個系列只係剩返幾件斷碼又唔靚既貨
晴天霹靂, 點解我禮拜二放工唔即刻仆去買? 我件灰色one-piece同背心, 就咁無左
飲恨裙,飲恨背心
朋友話當慳返筆喎, 但我呢d窮風流既人, 梗係寧願風流行先架la, 呢件事, 成為近日飲恨榜既榜首

尋日Sinh Cafe既叔叔話要早15分鐘集合, 準時到達既結果係扮搖頭公仔, 對每個埋唻兜售飾物, 香口膠, 太陽眼鏡同英文書既小朋友搖頭.

Tour guide o係巴士上為我地惡補越南歷史, 詳細既南北越戰爭到後來既經濟發展, 重點係古芝地道既由來, 越共打仗時, 古芝既人為左避開美軍襲擊加突襲佢地, 於是挖左多條長60米既地道, 出入口平時用樹葉蓋住, 入口只可以俾1個好瘦好瘦既人進入, 同行既日本女仔一入到去就尖叫, 到底呢個窿有d咩呢?

後來我地行左個短路線既地道, 伸手不見五指, 全程都要烏低身行, tour guide話我地只係行左15米左右, 但點解我覺得自己行左好耐好耐呢?
呢個係1位同行澳洲少女既背影, 唔好俾閃光燈呃左, 入面真係黑到咩都睇唔到
一直覺得戰爭離自己好遠, 見到既坦克飛機都應該係n世紀前既"遺物", 事實上, 越戰只不過結束左廿幾年, 當年上場打仗既人只係十幾歲既女仔, 但係佢地已經要孭住槍上戰場, 又或者o係古芝呢度整陷阱. 十幾歲既時候, 我擔心緊第二朝返學會唔知醒.

o係地道既一角, 竟然有人o係度整米卷

1個鐘後, 返到胡志明市, join返被丹麥人誤認作越南人既歐碧, 再出發去Qan An Ngo隔離食bun(類似瀨粉既粉), 飲飽食醉爭d想o係餐廳賴死唔走.

胡志明市市中心既另一景點應該係Reunification Palace(統一府), 講英文既tour guide逐間房同我地講解, 我承認我係唔專心上堂既壞學生, 永遠都係tour guide講解既時候, 我o係度發呆, 再o係事後問返皇上同歐碧, 然後被嫌棄. 相同既事情, o係每間房不停上演. Background history係呢幢Palace本來係法國統治時既general office, 後來再成為吳廷琰(Diem)既府第, 1965年, 越共用坦克車衝入統一府, 1年後, 吳生既空軍摧毀左統一府, 到佢重建完成, 只係住左兩晚就俾人炒左. 南北越統一, 統一府順理成章變成招呼外賓既地方.

呢個Palace有極重共產主義感覺, 所有野都好簡潔, 想搵豪裝或金碧輝煌, 呢度一定唔會有, 反而中國木傢俬同囍字地氈, 呢度就有唔少.

過左開放時間既紅教堂, 我地去到只可以o係外面影相同望入面既人做彌撒

而隔離街既Post Office就甚有法國味道, 外貌似火車站, 一入去, 就見到大大張Uncle Ho既相掛o係正中間.



今日既難題係o係大雨中尋覓傳說中既Augustin食法國菜, 一開始行錯左路, 但就唔覺意入左去有型既傢私鋪+服裝店, 難得sales由得我地周圍走同影相, 完全唔理我地
我好想帶呢張椅返香港, 如果我屋企有4000呎就好勒

明顯我地呢個團既theme係行到邊食到邊, 街邊既香蕉薄餅唔放過, 商場food court既米卷一樣照食, 去到Augustin, 依然可以食得落野

幾經艱辛, 終於搵到Augustin, 鵝肝, 芝士沙律, Bacon蛋麵, 鴨胸, 份量大大, 令三個大胃女子飽到捧住個肚走

為左慶祝同歐碧講左成年終於都成功既越南之旅, 慶祝活動係去酒店附近既pub飲Saigon(啤酒), 歐碧同越南waiter用國語溝通, 我就飛象過河同隔離枱既法國夫婦傾計, 做backpacker既好處係, 唔駛撞口撞面都係香港人, 你會更加有一種旅行緊, 同終於遠離銅鑼灣同借衫既感覺

6:15am搭的士去機場, 司機叔叔話貴人出門招風雨, 倒水咁既天氣令我有d擔心越南會唔會都一樣. 萬幸又有d不幸係越南陽光普照到將人極速燒焦

插曲, travel agency用來自馬來西亞既X先生之名幫我地book酒店, 而又無事前通知聲, 搞到我地o係lobby擾攘左好耐再打番香港先可以上到酒店房. 攤抖下定左今日既行程, 再過隔離街既Sinh Cafe book聽日同後日既day tour
皇上事先搵定食野路線, 離酒店好多好多條街既Qua An Ngo有唔少地道越南野食, 經好心路人指點後, 我地熱到溶咁坐低食飯, HKD$32有以下食物

 

12點鐘位置--燒牛肉青木瓜燒沙律(酸酸辣辣好開胃),3點鐘位置--越南pancake(包住豬肉芽菜既奄列, 但層蛋煎到卜卜脆), 5點鐘位置--夾埋pancake一齊食既basil, 8點鐘位置--米紙, basil, 芽菜, 乾米粉, 生菜, young banana, 青瓜, 楊桃(全部都係用唻包蔗蝦), 11鐘點位置--蔗蝦兩條, 中間--串燒魷魚, o個兩杯係似milk shake既菠蘿汁(好好飲)
Waiter哥哥見我地用筷子夾米紙, 睇唔過眼幫我地將蔗蝦起肉, 仲即席示範應該點食呢道菜. 而且服侍周到, 我地未開聲, 已經問駛唔駛幫我地打包, 仲話"hope to see you tomorrow."
飯後節目係戰爭博物館, 越美打仗時候既坦克車, 戰機, 因為幅射而導致身體出現問題既長短腳bb, 大頭bb, 呢度全部有得睇.

甚至連當年捉左戰俘再嚴列迫供既刑具都有. 一直以為係中國人先發明到咁多虐待人既刑法: 灌水銀, 五馬分屍簡直令人心寒.
原來越南人都不遑多讓: 用羽毛針插十隻手指, 再開住風扇吹郁d羽毛, 睇到我既手指都有d痛. 又或者剃左d人頭頂部份既頭髮, 再o係上面不停滴水, 幾個鐘後, 你就會覺得個頭好似俾針拮咁. 其實我好驚睇呢d野, 所以都係好快咁行過就算.
是日重點係食pho(越南河粉), 皇上最緊要正音教pho既發音係類似fur既低音版, 雖然我唔係政治家, 但因為我都唔係食家既關係, 所以我真係覺得pho 2000既粉好好味, 湯底似足o係屋企飲到既牛肉湯, 濃味得唻好清, 但係熟牛肉就爭d
太好食, 食完成碗先記得影相, 皇上話史迪仔無得食好慘, 所以請佢食辣椒(0_0)
今日既主題係好人好事, 未出發前有人擔心越南會有地雷, 有人驚我被賣做雛妓(??)<--過左個"雛"呢個年紀好耐勒, 有人驚我被搶野. 但其實越南人好多都好nice, 我地行出酒店門口企左一陣想搵Sinh cafe o係邊, bell boy即刻飛撲出唻教我地行路; 拎住地圖搵Qua An Ngo, 擺到明一個遊客樣, 無啦啦有路人甲跳出唻話俾我地聽點走; 唔識過當地既瘋狂馬路, 綠衫哥哥為我地護航(後來先知佢地係security guide); 人力車伯伯兜生意不成, 但知我地唔識去戰爭博物館, 依然熱心教路, 甚至o係十字路口位等埋我地, 驚我地行錯路
可能以上既人有d係職責所在, 但依然榮登今日好人好事既一員
越南既瘋狂馬路真係好恐怖, 無紅綠燈, 你要好夠膽先可以o係五十幾架電單車之間插隻腳出去行第一步, 行既途中千祈唔好停低, 咁d車就會避過你, 你同司機既距離近到可以摸佢頭髮

好長既一條題, 出自小同飯聚時N年無見既小同J之口
J於飯後稱讚小女子為當日一班女小同中好少少既一位(唔係指樣, 純粹就性格而論), 5秒鐘後, 我先識回應: "好少少"呢三個字都幾可圈可點, 我應該開心定鬧你呢?
J follow up解釋"好少少"既得分係識講野, 換唻我既"吓", 加無數聲"哈哈哈".
鑑於我地既另一小同L小姐, 由小五識佢開始, 個腦同個嘴已經屬於唔同部門(可能直情係唔同人)管理, 所以兩者永遠無交流, 個腦知道唔應該講呢句野, 但把口已經極速講左, 得罪人多稱呼人少絕對係為佢度身而設
估唔到N年後, 人人都識得戴返個面具, 學識潤飾講話技巧既時候, 佢依然維持本性
新作係令到一位初相識既人, o係餐飯都未食完既時候已經爆出一句: 以後有呢個女人出現既地方, 我一定唔會出席
火藥味強到只係聽轉述既我都聞到
其實我地都相信, 雖然L小姐係有心對呢位人兄講o個番腰潤說話, 但佢無諗過會傷害到人, 呢種情況似乎同口直心快有d唔同, 苦思點形容既時候, J先生以"有心講但無心傷人"作總結



我好懶約人, 對上一次同某批朋友見面o係聖誕節, 估唔到大家都鐘意約埋我同一日出唻玩, 小同飯聚完結, 再走下一場
將尖沙咀定為集合點, 再將四散o係港九新界(真係港九新界都有)既朋友們聚集埋一齊. 而我地仲非常地道咁o係茶餐廳gathering
成晚就係研究o個位為左睇小飛俠而唔出席既動物朋友, 佢o個d撲朔迷離又引人入勝既感情故事, 緊湊程度簡直拍得住溏心

搭地鐵多年, 老是遇到奇人奇事, 友說是因為我有吸引奇人的特質, 皆因物以類聚.
早早放工回家, 鄰座小姐一直正常坐著, 突然於藍田站拿出指甲箝, 埋頭苦剪, 由藍田剪到鑽石山站, 都是剪右手手指公的指甲, 全程聽住佢既指甲箝發出極有節奏既剪指甲聲, 何其鏗鏘悅耳, 我亦極好奇, 點解一隻指甲都可以剪足五個站, 到底鄰座小姐隻手指公有幾大隻, 又或者佢既指甲硬到要剪三次先可以剪得斷?
而佢又明唔明公德心三個字係咩意思, 點解可以由得d指甲周圍彈. 喂, 我同你唔係好熟, 唔駛咁大手筆彈塊指甲過我本書度做書簽呀?
兩鐵合併後, 在地鐵講粗口即罰五千大元, 將腳放o係椅上, 又罰五千大元. 咁, o係地鐵剪指甲, 又會罰幾多錢呢?

We didn't stay at Crazy House at Dalat, since the rent is extremely expensive for 3 people (which may cost us USD64 per night, how come???)

Here's a nice place in the Highland and look like the little village in Paris or somewhere in Europe. Little colorful house with few vehicles, the busy traffic in Saigon is really scared us, there doesn't have any traffic light. If you want to cross the road, you should close your eyes and step forward bravely, and the cars (no matter it's motorcycle or tour bus) will pass by you within 2cm!!

At Dalat, the weather is nice (it's cool and sunny), people are helpful to show you where you want to go, food is delicious and cheap.

And I want to stay here for 2 more weeks, can I??

Dap b (bye bye in Vietnamese)

距離上機時間尚餘7小時5分鐘, 理應與周先生共歡的時間, 卻被家姐捉著揀相, 大小姐以無比哀怨聲調叫我為她揀婚紗相, 還要每張都給comment. 題外話一則: 每次在公司影完model, 我最頭痛就是揀相!!!幸好, 只是60張相, 極速但仔細看完, 大小姐卻剛被其好友踩完她拍的相, 於是, 我說意見前要先安撫她
1:30am, 大小姐突然醒覺我要搭早機, 卻依然要我看其他人的婚紗相layout再作評論......
去旅行, 要儲稿, 工作快手搞掂了, 這星期還有兩晚可以跟各方好友吃飯, 其實我只是去7日啫, 也不用太依依不捨. 工作順利做好, 但今天才執好行李, 媽咪在旁看我於房和廳及廁所之間走來走去, 擔心我會帶漏東西, 當聽到我今天才買短褲去旅行, 她開始搖頭嘆息
同事們, 昨天我已率先以一身越南打扮見大家, 提早送上的越南陽光(雖然招來一陣驟雨), 應該夠慰藉你們至28號, 編輯K, 別擔心, 我會好好照顧皇上的了(或者, 是她照顧我?)

捉攝影師拍了輯又sad又唔灰又打燈的styling, 地點為石灘. 同行model不顧身世拒絕搽防曬和蚊怕水, 至於make up被我們勞役了多次後, 有備而來太陽帽太陽眼鏡小背心防曬蚊怕水一應俱全.
而我搽了面部防曬卻遺漏了四肢, 背對烈陽加同事C解說的石頭會反射光線之理論雙重夾擊下, 3個小時後, 背脊又紅又痕又發熱.
雖然不如被同事J虐待的聖般, 從攝影師變成乞兒, 但一輯styling, 也成功將我由人化身成一條粟一燒

案發為今早, 電視播映交易現場, 突然, 傳來"啪"一聲, 同時, 電視畫面全黑, 天真少女記起近日大廈張貼了五年安全檢查的通告, 曾提及某日全幢大廈停電停水停電梯, 又, 某日要暫停電視廣播, 以上皆為5年安全檢查內容. 於是, 少女繼續安心坐在家中看報紙等家人回來.
10分鐘後, 母親大人回來, 少女終於發現, 電視畫面全黑根本非關檢查, 而是電視大人壽終正寢, 家人指責我為殺電視兇手......
晚上回家, 線人告知老豆以驚人速度買了新電視, 周四便會送到. 但沒有溏心風暴和師奶兵團的晚上, 連DVD也播不到, 我覺得好苦悶, 原來, 電視早已成為我的好朋友. 與老豆你眼望我眼, 最後惟有自首, 告訴他我是殺電視的真兇, 雖然我是無辜的

蘊釀已久的越南之旅終於成行, 今晚開了個小型茶會, 出席人數兩人, 至於另一團友即在萬尺高空中. 皇上發出皇榜, 三款行程任擇其一, 抗拒坐通宵巴士凌晨到埗的方案, 但為了賺多個day trip, 我還是屈服了.
朋友同事都問: "越南究竟講咩話?" 答案是越南話加少量英語或法語, 我預計會有雞同鴨講情況出現, 朋友甚至勸說這是個危險之地, 但連在香港勸止別人勿吸煙都會被打, 我想像不到還有安全的地方.
預計在DaLat入住的Crazy House, 官方名字是Hang Nga Gusethouse and Gallery, 特點: 全屋呈扭曲狀, 有奇怪動物裝飾, 窗全是不規則形狀, 外貌像童話屋, 房租US10起. 朋友說像騙小朋友的糖果屋, 巫婆會在內恭候大駕.

大學三年, 在籃球場出現的時間永遠比我呆在圖書館, 甚至是課室多, 這是住宿舍的不成文規定, 不管你的心態為何, 必定要參加一隊sport或culture team. 對於打籃球的感情, 其實很複雜, 我喜歡這個橙色的球狀物體, 但有段時間, 它卻令我覺得很大壓力, 既因球技, 也關乎與隊友之間的磨擦, 3年時間的人際關係訓練和層出不窮的人際問題, 足夠將一個人的菱角磨平. 至於比賽前一星期四日的練波時間外加fitness訓練再來死唔斷氣的萬言essay還有hallmates的聯誼活動, 特訓過後, 足以令你相信nothing is impossible.
畢業後, 這橙色小波仍是走不出我的生活: 假日, 由九龍走回香港島, 是為了陪小仙們打勁過波; 與身在英國的sptc小姐msn, 總是從閒話家常繞到籃球上; 經過籃球場, 仍會因別人的球技而目瞪; 我的牀頭櫃, 依然是slam dunk漫畫的棲身處.
生活不順意時, 跟朋友訴苦, 後續便是相約翌日打籃球, 六十分鐘裡十個人全神貫注在橙色的波上,  完場, 便覺得一切都沒甚麼大不了.
若有人在你射失球後, 於你身旁耳語: "只係個波同籃框同你相沖jar, 唔關係球技問題", 聽到這類安慰(挖苦??)說話, 更覺通體舒暢.
我的友都愛做無聊事, 比賽將籃球塞在籃框中, 只是小兒科罷了