銅鑼灣「一門」

母親節去左銅鑼灣「一門」食晚飯
之前都有上網睇到D 食評話侍應服務態度差
但個日我地去就好好彩  店員既服務都非常有禮貌
可能去個時早   都幾靜
環境偏黑  都幾舒服

呢度最出名係厚燒玉子
咁就梗係叫個泥試下先啦
叫左蟹肉厚燒玉子

個樣可能平平無奇
但食落真係好好味!
一咬落去成個口已經充滿木魚上湯既汁
而且蟹肉既味道好鮮甜
同D 上湯好夾
蛋又滑
趁熱食最好味!

仲有溫泉蛋都好好食
直情滑到一入口就sir 左入喉嚨
清清地配以日本豉油同蔥花已經冇得彈

 

另外又叫左鹽燒牛舌同埋羊仔排
牛舌非常惹味
而且好嫩
一D 都唔會"UN"

羊仔排燒得岩岩好
唔會過熟
一樣非常鮮嫩
好juicy
但略為唔夠入味

 

至於軟殼蟹沙律
由於有d 沙律汁淋左上d 炸軟殼蟹面
所以令佢地變林左
反而冇咁好食
但睇得出佢原先係炸得好脆

 

牛油果蟹肉卷
真係食到有蟹肉味
但唔算特別

 

咖哩蝦伴冷素面
咖哩起初會以為好似一般日式咖哩咁樣帶甜味
點知原來係泰式咖哩
好香耶汁味
微辣
好惹味!
蝦幾新鮮  幾爽口
仲有d 茄子、青瓜絲等
伴以冷素面
一冷一熱口感好特別!

 

到甜品
本來想叫合桃茶湯圓
但個日冇供應
於是就叫左個三色甜品同埋紅豆湯年糕

三色甜品其實係兩個豆腐花 (一個配芒果汁 一個配草莓汁) 再加綠茶雪糕
豆腐花有豆香  而且好滑
但草莓汁假左少少
芒果汁酸酸地反而討好d
但整體都係不過不失
冇咩驚喜

 

最後紅豆湯年糕
個人唔係幾喜歡佢既紅豆湯 "起膠"

 

總括而言值得再泥! 野食水準唔錯!

是次每人平均消費$210