《變形金剛》看後感之「眼力測試」

(上面張相梗係唔關本文事啦，仍網民之作，引你入來睇之ma。)

至憎早到排隊霸位，所以至憎係jp銅鑼灣睇preview！(註)你知佢d側邊位係全世界最側的側邊位。

昨天看了《變形金剛》的preview場，就是在jp姛鑼灣睇。本身套片已睇到眼花(可能為了令你睇唔清d機械人，令你睇唔出破綻)，加上側邊位就更頭暈。

歡迎所有睇完的朋友一齊討論以下有關本片的「眼力測試」(下文內含少量情節)：

1.有冇人可以清楚近鏡睇到麥加登變左做飛機時個樣？

2.爵士死果一幕，其實有冇人認得出佢係爵士？

3.每當有兩個機械人打交的畫面，有冇人分到邊個打邊個？或者咁問，有冇人有能力真係分到、數到畫面中有兩個機械人，而唔係一堆高速轉來轉去的金屬？

4.當麥加登、星星叫等一堆狂派人士變成人型集合行動時(又係高速動作畫面)，有冇人可以係呢幾個一樣色的機械人當中分到邊個打邊個？

5.最後呢個唔關眼力事：有冇人研究過，點解「能量方塊」(原諒我用翻呢個童年時聽慣譯名)要由個細路帶上屋項比架直升機？點解要比人類收埋？點解要比果架直升機？班機械人咁高，一舉手就俾到啦，點解要個細路爬樓梯？

話說回來，作為《變形金剛》的fans，本片其實都合格，補少少情意結分，算是好睇！

註：百份之99.999999的電影preview都係不設劃位，只有0.1%的場次是會劃vip位的，而當中又只有0.000001%的機會，「記者」會被列入vip位，我呢生只試過一次，就是看《哲古華拉的少年日記》。)